Monday , January 24 2022

Angel, limot na si Phil

NGAYON sinasabi ni Angel Locsin na unti-unti na nga siyang nakaka-move on matapos ang split nila ni Phil Younghusband. Si Phil naman ay nanahimik lang at wala na nga tayong nababalitaan. Mas madali kay Phil na gawin ang ganoon kasi hindi naman masyadong visible ngayon ang kanilang football team, at wala namang ibang pagkakataon na matanong siya ng mga tao, samantalang si Angel ay isang artista at masyado ngang visible sa mata ng publiko.

Masasabing okey din naman dahil noong mangyari ang kanilang split ay may tinatapos na isang serye sa telebisyon si Angel, at kailangan din niyang mag-abroad para sa ilang eksenang kailangang kunan doon. Siguro nga iyon ang masasabing naging get away ni Angel, kaya nang bumalik siya rito ay hindi na ganoon katindi ang impact ng kanilang split ni Phil.

Nito namang mga huling araw, makikita mo ang pagpipilit ni Angel na maging busy siya, para nga siguro pagod siya at pagdating sa bahay ay matutulog na lang at hindi na niya maramdaman pa ang kung ano mang pangungulila.

Isipin ninyong si Angel mismo ay sumama pa sa mga volunteer na nagbabalot ng mga relief good na ipinamimigay ng Red Cross. Ang inaasahan naman sa kanya ay tumulong lamang sa mgha fund campaign at makalikha ng awareness sa ginagawa ng Red Cross. Ang ginawa niya ay higit pa roon dahil iyon ngang manual work ng mga volunteer ay pinasok pa niya.

Kung sa bagay, kasi nakaaaliw naman talaga ang ganoong trabaho, bukod nga sa napapagod ka at mabilis makatulog pagkatapos. Ang higit na mahalaga ay lumilipas ang oras nang hindi mo namamalayan. Siguro nga iyon ang naging advantage niyon para kay Angel, na lumipas ang mga araw nang hindi niya halos namamalayan hanggang sa makatayo na siyang muli nang wala si Phil.

Ang tingin namin, talagang in-love naman sila sa isa’t isa. Sayang nga lang at kailangang umabot sila sa isang split.

Ed de Leon

About hataw tabloid

Check Also

Kevin Santos wife

Kevin ikinasal na sa non-showbiz GF

REALITY BITESni Dominic Rea KILALA niyo ba si Kevin Santos o Kayvin Acupicup Santos sa totoong buhay na produkto …

Julie Anne San Jose Rayver Cruz

Pagli-link kina Rayver at Julie Anne sablay

REALITY BITESni Dominic Rea MUKHANG hindi umobra ang pagli-link kina Rayver Cruz at Julie Anne San Jose. After …

Bryan Termulo

Bryan Termulo tour guide sa Amerika Pagkanta hinahanap-hanap

MATABILni John Fontanilla MISS na ni Bryan Termulo ang local showbiz ngayong nasa Amerika siya at doon …

Aileen Papin DoLE TUPAD

Aileen kinokondina maruming pamomolitika sa TUPAD

HARD TALKni Pilar Mateo ISA pang Papin, na tumatakbo naman sa ikatlong Distrito ng CamSur …

Heart Evangelista Nadine Lustre

Heart at Nadine kakampinks

I-FLEXni Jun Nardo INILABAS na nina Heart Evangelista at Nadine Lustre ang totoong kulay nila sa darating na eleksiyon …

Leave a Reply