Friday , January 28 2022

Makupad pa sa suso ang katarungan para sa mga biktima ng Maguindanao massacre

00 Bulabugin JSY
GUSTO nating pasalamatan si Rep. Jose Christopher Belmonte ng Quezon City.

Pinuna niya at pinaalalahanan ang Aquino government na kailangan mayroong gawin para mapabilis ang prosekusyon laban sa mga akusado sa Maguindanao massacre dahil talaga naman napakakupad ng nagaganap na pagdinig ngayon.

Mula noong  2009, umabot lamang sa 104 sa kabuuang bilang na 195 akusado ang nakakasuhan, kabilang ang walong member ng Ampatuan political clan na inaakusahang UTAK ng karumal-dumal na masaker.

At sa loob umano ng apat na taon, ang kaso na multiple murder laban sa mga akusado ay umiikot pa lang sa petitions for bail, at hindi mabilang na motions at counter motions at kung ano-ano pang taktika na kitang-kitang naglalayong bumagal ang proceedings.

Tatlo sa mahahalagang testigo ang pinaslang, habang ang pamilya ng mga biktima ay pinipilit na makipag-areglo na lamang.

Bago at mula noong maganap ang nasabing masaker  na kumitil sa buhay ng 58 katao na ang 32 at  isa pa ay miyembro ng media, marami pang mamamahayag, lalo na ‘yung mga nasa probinsiya, ang patuloy na pinapatay, inaatake o pinagbabantaan.

Salamat, salamat, Congressman Belmonte!

Sa dami ng mambabatas d’yan sa Mababang  Kapulungan ng Kongreso ‘e bukod tanging ikaw lang ang naglaan ng oras para i-monitor at suriin ang kalagayan ng hindi malutas-lutas na media killings sa bansa.

Noong nabigyan po tayo ng pagkakataon na maging Pangulo ng National Press Club (NPC), hindi po tayo tumigil para mapabilis ang pagresolba sa media killings.

Pormal pa natin hiniling noon kay Justice Secretary Leila De Lima na i-update tayo sa bawat kaso ng media killing.

Nangako naman siya.

Pero, apat na taon na ang nakalilipas ‘e wala pa rin nagyayari. Nganga pa rin!

Ganyan din ang inihaing resolusyon ni Belmonte ngayon, na nag-uutos sa direct executive agencies, hindi lamang para bilisan  ang prosekusyon kundi para utusan ang law enforcement bodies na hulihin pa ang ibang mga suspek at protektahan ang natitira pang witnesses.

Dapat din na ilista ng Department of Justice (DOJ) at law enforcement agencies ang lahat ng media killings at ang status ng bawat kaso, gayondin ang mga aksyon na kinakailangan gawin upang mapabilis ang kaso.

Habang ang Department of Social Welfare and Development ay kinakailang magbigay ng adequate assistance sa pamilya ng mga biktima.

‘Yan po ang mga nasa resolusyon ni Rep. Belmonte.

Wish lang natin na maaprubahan ang resolusyong ito nang sa gayon ay tuluyan nang matuldukan kung hindi man ay mabawasan ang media killings.

At mapabilis ang katarungan para sa mga Maguindanao massacre victims at pamilya nila.

Mabuhay ka Rep. Jose Christopher Belmonte!

 

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

About hataw tabloid

Check Also

Paolo Ballesteros Vice Ganda

Paolo at Vice Ganda walang rivalry

PABONGGAHANni Glen P. Sibonga PINATUNAYAN nina Paolo Ballesteros at Vice Ganda na mabuti silang magkaibigan at wala silang rivalry …

Kris Aquino

Kris binuweltahan mga nagpapakalat ng fake news — Sorry buhay pa… it’s not yet goodbye

PABONGGAHANni Glen P. Sibonga TINAWAG ni Kris Aquino na fake news ang mga kumalat na tsismis …

Korina Sanchez Ping Lacson

Korina aliw sa pa-farm ni Sen Ping

SHOWBIZ KONEKni Maricris Valdez Nicasio HINDI maitago ni Korina Sanchez-Roxas ang aliw nang magtungo sa farm ng …

Christine Bermas

Christine Bermas ‘di kering mapanood ang sarili sa matitinding eksena

SHOWBIZ KONEKni Maricris Valdez Nicasio PURO sexy ang mga nagawa at ginagawa ni Christine Bermas na pelikula …

Manny Villar ABS-CBN

Broadcast frequencies ng ABS-CBN, ‘nasulot’ ni Villar

MALABO nang mabawi ng ABS-CBN ang kanilang prankisa sa susunod na administrasyon dahil ibinigay na …

Leave a Reply