HATAW! D'yaryo ng Bayan hatawtabloid.com
SA huling presscon ng pelikula ni Andi Eigenmann ay natanong ito kung type niyang ligawan siya ng lalaking malaki ang agwat ng edad sa kanya tulad ng papel ni Cristine Reyes na naging karelasyon si Gabby Concepcion na halos tatay na lang niya.
Mukhang hindi naman yata sineryoso ni Andi ang sagot niya dahil, “kahit ka-age ko pa, walang puwedeng manligaw sa akin.”
Sabay sabing, “ayokong matsismis, eh. Lagi na lang akong napagbibintangan (na third party). Ewan ko nga ba, nananahimik ako sa sarili kong buhay.”
Sa madaling salita, may trauma ang dalagang ina na parati siyang napagbibintangang mang-aagaw tulad ng balitang inagaw niya si Billy Crawford kay Nikki Gil?
“Wala naman po talagang nangyari sa amin ni Billy. Nasama lang ako sa isyung ‘yun. Alam naman na siguro ng mga tao sa buong buhay ko ‘yung totoo,” katwiran ni Andi.
At kaya naman pala niya sinabing walang puwedeng manligaw ay dahil si Jake Ejercito pa rin ang nilalaman ng puso niya?
“Oo,” mabilis nitong sagot.
Hmm, wala na sila ni Jake, pero nananatiling loyalist siya sa binata maski na nasa ibang bansa?
“Opo. Parati na lang akong pinagbibintangan. Kahit nga single ako, loyal pa rin ako,” say pa.
Samantala, natanong ang aktres kung kaya niyang gawin sa totoong buhay ang ginawa niya kay Cristine na kabit ng daddy niyang si Gabby sa pelikula na tinalakan niya in favor of her mom na si Alice Dixson.
“Hindi ko kayang gawin ‘yun sa isang taong hindi ko kilala,” katwiran ng aktres.
Reggee Bonoan
