Tuesday , January 25 2022

Walang sistema ang gobyerno; GMA at ABS epal

HANGGANG ngayon ay nagkakagulo pa rin ang ating mga kababayan dahil sa kawalang sistema ng pamahalaang nasyonal sa pagbibigay ng kalinga, ayuda at tulong sa mga biktima ng bagyong si Yolanda na kumitil ng libo-libong buhay.

Hindi biro ang naririnig nating reklamo at hinaing ng ating mga kababayang biktima ng naturang kalamidad maging ito man ay sa radio, telebisyon at sa mga social networking sites na talaga namang kalunos-lunos dahil malinaw sa kanilang sinasabi na talagang walang nakararating na tulong mula sa pamahalaan.

Halos isang linggo na ang nakalipas mula nang dumaluyong si Yolanda sa bansa pero nanatili pa rin ‘nganga’ ang ating mga kababayan sa Kabisayaan at Palawan kaya’t dito marami na ang napipikon sa kawalang sistema ng gobyeno.

Para sa kanila, maayos lamang ang gobyernong Aquino sa media sa pamamagitan ng pagbabalita pero sa aktwal na pagtulong ay talaga naman salat ito.

Sa kasalukuyan ay nagkalat pa rin ang mga patay sa Leyte, Samar, Tacloban, Coron sa Palawan, sa Panay Island  na talaga naman namamaho at naagnas na dahil sa kabagalan ng tulong at dahil na rin sa kawalan ng sistema.

Hindi pwedeng bara-bara sa panahon ng kalamidad kaya nga meron tayong tanggapan ng National Disaster Risk Reduction Management Council (NDRRMC) para magplano at maging sistematiko ang pagkilos sa panahon ng kalamidad pero lumalabas na naging isang sangay na rin ito ng pamahalaan na nagbibigay lamang ng balita at impormasyon sa tao.

Sa maikling salita, plano at diskarte ang kailangang pairalin sa kasalukuyang panahon at dito dapat ipatawag muli ni PNoy ang kanyang mga alagad dahil posibleng lumalala pa ang sitwasyon .

Hindi rin maiaalis na mag-isip ang tao na mayroong politika sa kalamidad dahil malinaw sa ulat na magkaiba rin daw ang action center o base ng Tacloban city government at national government sa area na lubhang nakalulungkot dahil dito nagkakalasog-lasog ang pagkilos na dahilan kung bakit nagkakaroon ng duplikasyon sa serbisyo.

Unos ang nangyari sa ating bansa kaya’t dapat dito natin ipakita ang pagkakaisa natin at hindi pagkakawatak-watak, sistema ang solusyon sa problema at iyan dapat ang tutukan ng pamahalaan.

***

Mahilig mambatikos ang ABS at GMA sa mga epal na politiko pero pansinin mo ang kanilang mga plastic bag ng relief goods parehas mayroong tatak o logo ng kanilang estasyon o ng kanilang foundation.

Malinaw na kaepalan rin ito dahil alam naman ng lahat na hindi sa kanila galing ang relief goods na kanilang ipinamimigay kung hindi sa taumbayan na may puso para sa mga biktima ni Yolanda.

Dapat siguro ay pantay-pantay ang lahat, tutal sinasabi nilang epal ang mga politiko na may pangalan sa plastic bag pero kapag sila ang gumagawa ay okay lang.

Mga obserbasyong na dapat na rin ituwid dahil bukod sa hindi malinaw ang kanilang ulat kung saan napunta ang mga ayudang donasyon sa kanila ay talaga naman nakapanlulumo dahil nagiging paligsahan ito ng dalawang pangunahing TV station sa bansa.

Alvin Feliciano

About hataw tabloid

Check Also

Andrea Brillantes Seth Fedelin Francine Diaz

Papa O ibinuking daks na alaga ni Seth

MA at PAni Rommel Placente SA kanyang YouTube video kasama sina Mama Loi at Tita Jegs, sinabi ni Ogie Diaz na nakarating …

Kevin Santos wife

Kevin ikinasal na sa non-showbiz GF

REALITY BITESni Dominic Rea KILALA niyo ba si Kevin Santos o Kayvin Acupicup Santos sa totoong buhay na produkto …

Julie Anne San Jose Rayver Cruz

Pagli-link kina Rayver at Julie Anne sablay

REALITY BITESni Dominic Rea MUKHANG hindi umobra ang pagli-link kina Rayver Cruz at Julie Anne San Jose. After …

Bryan Termulo

Bryan Termulo tour guide sa Amerika Pagkanta hinahanap-hanap

MATABILni John Fontanilla MISS na ni Bryan Termulo ang local showbiz ngayong nasa Amerika siya at doon …

Claudine Barretto Mark Anthony Fernandez Deception

Mark Anthony at Claudine walang ilangan sa Deception

MATABILni John Fontanilla AFTER 27 years, muling nagtambal sa pelikula ang ex-couple na sina Mark Anthony …

Leave a Reply