2 coed hinalay ng akyat-bahay

PAGBILAO, Quezon – Pinagnakawan na, ginahasa pa ang dalawang babaeng estudyante ng dalawang lalaking nanloob sa kanilang kwarto sa boarding house sa Brgy. Poblacion sa bayang ito kamakalawa.

Itinago ang mga biktima sa pangalang Myra, 16, at Mylene, 17, kapwa nanunuluyan sa nabanggit na boarding house sa nasabing lugar.

Ayon sa imbestigasyon, dakong 1 a.m. nang pasukin ng dalawang suspek ang kwarto ng mga biktima habang mahim-bing silang natutulog.

Hindi nakapalag ang mga biktima nang kapwa tutukan ng baril at kapwa sila halinhinang ginahasa.

Pagkaraan ay tinangay ng mga suspek ang cellphone at P1,000 cash ng mga biktima.

Ngunit sa follow-up operation ng mga awtoridad, agad nadakip ang mga suspek na sina Leo Sevilla Navarro, 24, at Josua Delen De Los Reyes 18, kapwa residente ng na-sabing bayan.

Ang mga suspek na nakapiit sa lock-up jail ng Pagbilao PNP, ay nahaharap sa kasong robbery wth rape.

(RAFFY SARNATE)