Wednesday , April 24 2024

Hustisya para sa mag-asawang Cocoy at Loida De Castro

PANAWAGAN lang natin kay PNP chief Alan Purisima at pamunuan ng Rizal provincial Police Office: Pakitutukan po ninyo ang kaso ng pananambang sa mag-asawang Cocoy at Loida De Castro sa Bgy. Pag-Asa, Binangonan, Rizal kahapon ng umaga.

Bago mag-11 ng umaga, hinarang ng isang grupo ng kalalakihan na nakasakay sa tricycle ang mag-asawa sa tapat mismo ng bahay nila at saka niratrat. Sinasabing pagnanakaw ang motibo ng mga salarin bagamat makailang ulit nilang pinutukan ang mga De Castro.

Nangyari po ito sa kalagitnaan pa rin ng mainit na GUN BAN ng Comelec. Kaya ipinagtataka ko kung paanong nakalusot sa mga pulis ang mga walanghiya?

Ang nakalulungkot po kasi rito, una nang binaril ang isang kapatid ni Gng. Loida sa katulad rin insidente ng pagnanakaw ilang taon na ang nakararaan. Tila ba naulit lamang ngayon dahil walang nangyari sa imbestigasyon ng mga pulis sa naunang kaso. Tsk tsk.

Batay sa mga naunang balitang nakarating sa akin, nalagutan ng hininga si Cocoy sa ospital samantala kritikal ang lagay ni Loida sa pagamutan. Malaki naman ang tsansang mabuhay ang ginang.

Mga sir at mam lalo na sa Rizal PPO, hindi po unang pagkakataong nangyari ‘yan. Tila naging paborito ng mga walanghiyang biktimahin ang nasabing pamilya. Nakaaawa naman. Nagsusumikap sa hanapbuhay tapos sa isang iglap aagawan ng buhay ng mga kampon ni Satanas.

Pakiayos naman po ang imbestigasyon ninyo nang mabigyang katarungan ang sinapit ng mag-asawa. Ang ginamit na sasakyan daw ng grupo ay dati nang ginagamit sa katarantaduhan. Ibig sabihin tagaroon lang din sila sa lugar.

Ang balita ko pa, tila protektado raw ng ilang mga gagong pulis ang nasabing grupo. Alamin po ninyo, mga sir!

Joel M. Sy Egco

About hataw tabloid

Check Also

drugs pot session arrest

4 arestado sa pot-session sa Valenzuela

SWAK sa kulungan ang apat katao matapos mahuli sa akto ng mga pulis na sumisinghot …

arrest prison

Sigang tambay, kulong

‘IBINALIBAG’ sa selda ang 22-anyos tambay makaraang pumalag at ‘magpamalas ng kabangisan’ nang ireklamo ng …

init Lamig Hi Temp Cold Water

Malamig na tubig hindi ipinapayong inumin sa gitna ng matinding init

Back to BasicNATURE’S HEALINGni Fely Guy Ong Dear Sis Fely Guy Ong, HANGGANG ngayon po …

Win Gatchalian

Mas maigting na pakikilahok ng LGUs sa edukasyon isinusulong ni Gatchalian

MULING isinulong ni Senador Win Gatchalian na paigtingin ang pakikilahok ng local government units (LGUs) …

Namatay sa baha sa Dubai
LUBOS NA TULONG MARAPAT IGAWAD SA TATLONG OFWs

KASUNOD ng pagpapaabot ng taos-pusong  pakikiramay sa pagkamatay ng tatlong overseas Filipino workers (OFWs) sa …

Leave a Reply

Your email address will not be published. Required fields are marked *