Thursday , March 28 2024

Jueteng ni Luding sa Baguio at La Trinidad nakalusot kay CIDG Dir., Chief Supt. Uyami

00 Bulabugin JSY

BIGLA na naman daw nabuhay ang JUETENG NI LUDING sa Baguio at sa La Trinidad.

Kaya bigla na naman nag-piesta ang mga lespyak na corrupt. Kung dati ay lagi silang malungkot dahil walang ma-ORBITAN, ngayon ang ngisi nila’y parang aso na naman.

Sa totoo lang TABLADO (raw) kay CIDG director Chief Supt. Frank Uyami, Jr., ang JUETENG.

Kaya walang maaasahang INTELIHENSIYA ang mga lespyak na corrupt.

Mahigpit sa  pagpapatupad ng “ONE STRIKE POLICY” si GEN. UYAMI kaya nagtataka tayo kung bakit nakakaladkad ang pangalan niya ngayon sa JUETENG NI LUDING sa Baguio at La Trinidad.

Ipinangangalandakan ni ‘LUDING’ na may basbas umano mula kay GEN. UYAMI ang kanyang jueteng sa Baguio at La Trinidad kaya tulog lang daw ang happiness ng mga LESPU.

Gen. FRANK UYAMI Sir, mukhang naiisahan o iniisahan ka ni LUDING WETENG…

Nailusot na ang jueteng niya sa Baguio at sa La Trinidad, GINAGAMIT pa ang PANGALAN mo!?

Palalampasin mo lang ba ‘yan?!

ANG JUETENG NI BOSSING ALLAN SA PARAÑAQUE AT ANG TONGPATS NA SI PUNYETA ESTE TENYENTE TIAGONG AKYAT!

HETO pa ang isang PALUSOT pero namamayagpag … ang jueteng ni BOSSING ALLAN M., sa Parañaque City.

Lantad na lantad daw ang jueteng na ito ni ALLAN M., sa Parañaque. Kumbaga walang makaporma kasi ang press release naman nito ‘e areglado ang City Hall at Southern Police District.

Isang punyeta este alias tenyente ROLLING TIAGONG AKYAT ang umaareglo ng TONG-PATS sa CITY HALL.

Siya raw ang ‘inatasan’ ni MAYOR para TUMANGGAP ng parating mula kay ALLAN M.?

Patay kang bata ka Mayor Edwin Olivarez, hindi pa ba sumasakit ang ULO mo sa mga ‘BUKOL’ ni punyeta este tenyente TIAGONG AKYAT?!

Ang matunog na BALITA, aba ‘e napakalaking bahay daw ang ipinatatayo ngayon ni Tenyente Tiagong Akyat ‘d Tongpats.

Aba, NCRPO chief, GEN. MARCELO GARBO Sir, e kailangan mo na yatang ipa-LIFESTYLE check ‘yang si punyeta este tenyente TIAGONG AKYAT, mukhang mauuna pang magpagawa ng MANSION sa iyo.

I-lifestyle check na ‘yan!

MAY DELICADEZA PA BA SI COMELEC COMMISSIONER GRACE PADACA?

MABILIS lang palang nalusutan ni Commission on Elections (Comelec) Commissioner Grace Padaca ang bench warrant na inisyu ng Sandiganbayan laban sa kanya nang hindi siya dumalo sa kanyang nakatakdang arraignment nitong nakaraang Oktubre 17.

Dahil sa kanyang hindi pagdalo, kinansela nina Associate Justices Gregory Ong at Jose Hernandez ang kanyang piyansa at nagpalabas ng arrest warrant.

Pero to the rescue naman pala agad ang PNoy appointees na sina Supreme Court Chief Justice Maria Lourdes Sereno at Sandiganbayan Presiding Justice Amparo Cabotaje-Tang .

Agad umanong nagpasaklolo si TANG sa Supreme Court upang makuha niya ang chairmanship sa Third Division ng Sandiganbayan mula kay Associate Justice Jose Hernandez upang maibasura ang arrest warrant laban kay Padaca.

Kaya bago pa man maihain ang arrest warrant kay Padaca nitong nakaraang Martes, ang dalawang justices na sina Ong at Hernandez ay natadyakan na para ilipat sa ibang dibisyon.

Aray, ang sakit!

Ang natira ay si Associate Justice Samuel Martires na nanatiling senior member ng dibisyon, next in rank sa bagong chairman na si Tang.

Bukod d’yan binitbit na rin ni Tang si Associate Justice Alex Quiroz bilang junior member ng dibisyon.

Kaya nitong proceedings nakaraang Martes, agad pinaboran ni Tang ang petisyon ni Padaca na ibasura ang arrest warrant at hayaan siyang makapaghain muli ng piyansa.

Wow!

Ganyan lang pala kabilis kapag ALYADO ng Pnoy administration ang maghahain ng petisyon para pigilin ang isang arrest warrant.

Sukdulang baliktarin at paikutin ang mga tao sa Supreme Court at sa Sandighanbayan basta huwag lang makulong si Commissioner Grace Padaca sa P25-million graft and malversation cases.

Naalala pa natin nang sumampa ang nasabing kaso ni Commissioner Padaca, agad nagpaluwal si PNoy ng P70,000 para sa kanyang piyansa habang si Interior Secretary Manuel Roxas II sinamahan pa siyang magbayad.

Tsk tsk tsk …

Mukhang malakas pa sa 7.2 magnitude na lindol ang POWERS ni Commissioner Padaca sa administrasyon.

Hindi maikakaila na malaking isyu na naman ‘yan sa administrasyon ni PNoy.

Unsolicited advice lang Commissioner Grace, hindi pa pwedeng mag-LEAVE ka muna para hindi naman makompromiso ang PNOY administration?!

Akala natin e sina Chairman SixTONG este Sixto Brillantes at Commissioner Elias Yusoph lang ang walang delicadeza d’yan sa Comelec, aba ‘e meron pa palang iba.

Aba, ‘e, mag-PRACTICE naman kayo ng DELICADEZA!

 

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About hataw tabloid

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Marian Rivera My Guardian Alien

Marian sa alien—parang ang sarap niyang maging kaibigan

RATED Rni Rommel Gonzales NATANONG ang Kapuso Primetime Queen, Marian Rivera kung naniniwala ba siya na totoong …

Donny Pangilinan Belle Mariano DonBelle Cant Buy Me Love

Serye ng DonBelle laging nasa Top 10 sa Netflix

AYON sa lead stars ng top-rating series na Can’t Buy Me Love na sina Donny Pangilinan at Belle Mariano, mas …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Leave a Reply

Your email address will not be published. Required fields are marked *