Wednesday , April 17 2024

Delta theater ng TV5, malas?! (Lahat kasi ng nagso-show doon, natsutsugi)

NOONG isang araw kasi ay marami rin kaming lakad, kaya nakibalita na lang kami kung ano nga ba ang nangyari sa last show ni Willie Revillame. Nagulat kami nang sabihin ng isa naming kaibigan na wala raw Wowowillie na palabas sa TV noong araw na iyon. Tapos ang sabi sa amin ang napanood daw niya ay Huhuwillie. Umiyak daw kasi si Willie Revillame nang magpaalam sa kanyang audience at siyempre inulit ang world war 2 slogan ni Mac Arthur, ”I shall return”.

Isipin mo nga naman ang takbo ng buhay ano. Mga isang taon lamang ang nakararaan, ang tapang ng dating ni Willie sa telebisyon. On the air, kinagalitan niya sina John Estrada at Randy Santiago, dahil kausap na raw niya ang management ng TV5 para matulungan iyong dalawa.

Ngayon ibinagsak din siya ng management na iyon. Ilang buwan lang ang nakararaan sinabon niya sina Ethel Booba at Ate Gay sa mismong show nila, dahil wala raw karapatan ang mga iyon na umangal pa dahil siya rin ang producer ng kanilang show at siya lang ang may karapatang gumawa ng ano mang desisyon. Ngayon wala na ang show na iyon na siya ang main host at producer. Palagay namin babakbakin na rin ang pangalan ng kanyang show sa kanilang studio riyan sa Delta Theater, na pinaglalagyan niyon, may maliwanag pang ilaw para kita kahit na gabi.

Isipin ninyo, maski ang show ng megastar na si Sharon Cuneta, sinibak sa studio na iyon para lang may magamit si Willie. Ngayon ang show na niya ang sinibak.

May nagsasabi nga, hindi kaya malas nga ang studio na iyon dahil lahat ng shows doon nasisibak?

Huwag nating sisihin ang studio. Tanggapin natin ang katotohanan na hindi nag-rate kagaya ng inaasahan ang kanilang mga show, at kagaya nga ni Willie na milyong piso na ang ipinamimigay na premyo wala pa ring nangyayari, ano nga ba ang gagawin mo? Ang masama nga lang, hinintay pa ni Willie na malugmok siya sa ratings kaya wala nang kumukuha sa kanya ngayon. Naniwala siyang kaya niyang iangat ang TV5.

Matagal na naming sinasabi, ang problema riyan ay hindi naman ang kanilang shows. Marami silang magagandang shows noon ha, lalo na noong panahon pa ni Perci Intalan. Noon sumipa iyong Face to Face. Sumipa rin angTalentadong Pinoy. Pero hindi nga rin nakatagal dahil ang problema nila ay ang mahina nilang signal. Nakuha na nila ang “the best” at lahat ng mga sikat na stars. Bakit hindi nila asikasuhin ang kanilang signal?

Sunshine, gusto nang ma-annul ang kasal kay Cesar

MABUTI naman at si Sunshine Cruz, maliwanag ang hinihingi, iyong annulment na lang ng kasal nila ni Cesar Montano. Hindi naman daw iyon nangangahulugan na gusto niyang mag-asawang muli. Sinasabi nga niyang kung mangyari man iyon ay matagal pa dahil talagang nadala siya sa kanyang buhay may asawa. Gusto lang niya para maging malaya na siya, at malaya na rin naman si Cesar, after all buo na sa loob niyang hindi na sila magsasamang muli.

Ang maganda kay Sunshine, ang hinaharap lang niya ay ang problema sa kanyang asawa. Wala siyang kaaway na mga kapatid o kaanak niya.

Concert ng bakla-serye, ‘di kumita?

FLOP nga ba iyong concert niyong bakla-serye ng channel 7? May nagpadala kasi sa amin ng pictures ng venue, puno sa ringside, pero walang tao sa upper at lower box. Nangyayari iyan kung walang taong nanood. Maski iyong nasa upper at lower box, pinabababa na lang sa ringside.

Ang laki naman kasi ng venue na ginamit nila para sa concert na iyon, hindi na lang sa gaybar.

Ed de Leon

About hataw tabloid

Check Also

Kaye Abad John Lloyd Cruz Chito Miranda Paolo Contis Patrick Garcia

Kaye inamin nahirapang mag-move on noon kay John Lloyd

MA at PAni Rommel Placente SA guesting ni Kaye Abad sa Fast Talk With Boy Abunda ng GMA-7 noong Biyernes, napag-usapan …

Barbie Forteza David Licauco Julie Ann San Jose Rayver Cruz, Ruru Madrid Bianca Umali

Sparkle artists kinasabikan sa Calgary

COOL JOE!ni Joe Barrameda MALAKI ang agwat ng ratings ng pilot episode ng It’s Showtime sa GMA 7 over Eat …

Bong Revilla Jr PMPC

Sen Bong nakipag-bonding sa PMPC

COOL JOE!ni Joe Barrameda MASAYANG nakipag-bonding noong Linggo, April 7, si Sen. Bong Revilla sa mga miyembro ng Philippine …

Pokwang Lee O’Brian Malia

Pokwang payag madalaw ng anak si Lee O’Brian sa Amerika

MA at PAni Rommel Placente SA exclusive interview nI Pokwang Fast Talk With Boy Abunda noong Huwebes, April …

Sarah Lahbati Ruffa Gutierrez Annabelle Rama

Ruffa ipinagtanggol naglalabasang quote cards ni Annabelle fake

MA at PAni Rommel Placente MAY post si Ruffa Gutierrez sa kanyang Facebook account para pabulaanan ang mga naglabasang …

Leave a Reply

Your email address will not be published. Required fields are marked *