Tuesday , April 16 2024

Barangay Election 2013

Karapatan ng bawat Pilipino ang makaboto.

Isang  linggo na lamang at magkakaroon na naman po ng Barangay Election sa Pilipinas. Sa Oktubre 28, sa susunod na Lunes ay maghahalal po tayong muli ng ating mga mamumuno sa ating baranggay.

Ayon po sa Proklamasyon 656 na ipinalabas ng ating Pangulong Benigno Aquino III noong ika-25 ng nakaraang buwan ay idineklarang special non-working holiday ang Oktubre 28 dahil mahalagang mabigyan ng pagkakataon ang lahat ng botanteng Pilipino na magampanan ang kanilang karapatang bumoto.

Ang inyong kasundaluhan at mga pulis, katulad ng iba pang ahensya ng gobyerno ay nagnanais na makatiyak ng isang mapayapang eleksyon kung kaya ipinatutupad ang pagbabawal ng pagdadala ng baril o gun ban simula pa noong Setyembre 28. Ang batas na ito ay napapaloob sa Resolution 9561-A o ang Rules and Regulations on: (1) The Ban on Bearing, Carrying or Transporting of Firearms or Other Deadly Weapons; and (2) The Employment, Availment or Engagement of the Services of Security Personnel or Bodyguards during the Election Period for The May 13, 2013 Automated Synchronized National, Local Elections And ARMM Regional Elections, as Amended.

Ang gun ban po ay ipinapatupad 30 araw bago ang eleksyon at 15 araw matapos makaboto ang mahigit 54 na milyong Pilipino. Ito ay upang matiyak ang seguridad hindi lamang ng mga kandidato kundi maging ng mga Pilipinong boboto.

Samantala, nagsimula na po noong Oktubre 11 ang Filing of Certificate of Candidacy (COC) ng mga kandidato at ito po ay tumagal hanggang Oktubre 17. Noong Biyernes naman po ang simula ng campaign period at ito ay tatagal hanggang Oktubre 26.

Sinabi naman ni Comelec Commissioner Robert Christian Lim na maaaring makita sa kanilang website ang listahan ng mga punong baranggay at kagawad na nakatatlong termino na sa serbisyo. Kung ang inyong punong baranggay at mga kagawad ay nakatatlong magkakasunod na termino na sa kanyang posisyon, sila po ay wala ng kakayahang tumakbo sa parehong posisyon sa darating na eleksyon.

Bilang pinakamaliit na yunit ng pamahalaan, nararapat na siguraduhin na dito pa lamang ay magsisimula na ang pagbibigay ng tapat na serbisyo publiko ng mga mananalong kandidato. Panatilihin po nating matiwasay, malinis, may kredibilidad, at episyente ang ating eleksyon.

Bumoto ng tama at huwag magpasilaw sa anumang panandaliang luhong ibibigay ng mga kandidatong paniguradong pansarili lamang ang iisipin kung sakaling sila ay mananalo. Sa ating mga ibobotong kandidato nakasalalay ang magiging kinabukasan ng ating bansa. Ibigay po natin ang ating malinis na hangarin at buong pusong suporta upang tayo po ay magkaroon ng tapat at mapayapang eleksyon.

Gerry Zamudio

About hataw tabloid

Check Also

Donny Pangilinan Ina Raymundo

Donny nakapaglabas ng raw emotions habang kaeksena si Ina

MA at PAni Rommel Placente AYON kay Ina Raymundo, naging madali lang para sa kanya na …

MILO 60th Anniversary

 MILO Philippines kicks off 60TH year celebration;  underpins commitment to grassroots sports development

15 April 2024 | Manila, Philippines – In a celebration event to mark its 60th …

041624 Hataw Frontpage

Sa Batangas
P13.3-B SHABU NASABATDRIVER DI-LISENSIYADO
Promotion iginawad sa hepe ng pulisya

ni RODERICK PALATINO KAMPANTENG ibiniyaheng isang 47-anyos driver ng van kahit walang lisensiya sa pagmamaneho …

Bulacan Police PNP

2 durugista, 6 wanted, swak sa hoyo

Dalawang durugista at anim na wanted na mga kriminal ang sunod-sunod na inaresto ng pulisya …

PRO 4A handa at alerto para sa 2-Day Transport Strike

PRO 4A handa at alerto para sa 2-Day Transport Strike

Camp BGen Vicente P Lim – Nakahanda at asahang mapagbantay ang Police Regional Office CALABARZON, …

Leave a Reply

Your email address will not be published. Required fields are marked *