Friday , March 29 2024

Senado – nababoy na institusyon

SA takbo ng mga pangyayaring umano’y anomalya na kinasasangkutan ng mga senador tungkol sa “pork barrel” na tinatawag nilang “Priority Development Assistance Fund (PDAF)” at nitong huli ay ang sinasabing “Disbursement Acceleration Program” ay masasabi nating ang Senado sa kanyang kabuuan ay isa nang “damaged institution” dahil halos lahat sila ay tumatanggap ng nabanggit na pondo at siyempre pa, ang impresyon ng marami, kinapapangyarihan din ng mga anomalya.

Isipin na lang natin kung ang karamihan sa mga senador ay makakasuhan ng “plunder” o kaya’y malversation of public fund” sa Ombudsman (walang piyansa ang mga ito) mas malamang na lumiit ang bilang nila sa Senado at ang Pilipinas ay mababantog sa buong mundo sa pangyayaring ito.

Nawala na ang mga panahon na ang Senado ay kinabibilangan ng mga respetadong senador na tulad nila Claro M. Recto, Camilo Osias, Lorenzo Tañada, “Soc” Rodrigo at marami pang iba na tulad nila ang kalibre at hindi matatawaran ang integridad. Noon ay wala pa silang “pork barrel.” Pero sa ngayon na ang senado ay kinabibilangan ng ilang mga artista at ibang mababa ang kalibre. Idagdag pa natin ang pagkaka-imbento ng PDAF, ay maitatanong natin – ano nang klaseng institusyon ito?

KAPANSIN-PANSING MGA SALITA

“MAY REKLAMO KA?” – tumawag sa LTFRB, etc…etc…iyan ang mga salita na nakasulat sa likod ng mga pampublikong sasakyan. Hindi ba parang siga ang dating? Hindi ba parang naghahamon ng suntukan?

“MAG-INGAT SA MGA FIXER, HUWAG MAKIKIPAG-TRANSAKSIYON SA KANILA.” Ang mga salitang iyan ang mababasa naman natin sa Land Transportation Office (LTO) at sa ilan pang mga tanggapan ng gobyerno. Ang ibang kahulugan ng mga salitang iyan ay … “MAY MGA FIXER SA PALIGID NG TANGGAPANG ITO. SA AMIN KAYO MAKIPAG-TRANSAKSIYON, HUWAG SA KANILA.”  Alam n’yo palang maraming fixer, bakit hindi ninyo hulihin? Bakit hinahayaan ninyong pagala-gala sila sa tanggapan ninyo?

“MAG-INGAT SA LUGAR NA ITO, MARAMING HOLDAPER AT SNATCHER”…Marami pala, bakit hindi ninyo hulihin. Para bang sinabi na … “Bahala na lang kayong mag-ingat. Wala na kaming magagawa riyan. Hindi namin mahuli ‘e. Hindi ba katawa-tawa iyan?

“ANG PANINIGARILYO AY MAPANGANIB SA INYONG KALUSUGAN.” May mga babala pa na lalong nakatatakot gaya ng … “ANG PANINIGARILYO AY NAKAMAMATAY.” Ang mga babalang iyan ay mula sa gobyerno. Mapanganib pala sa kalusugan. Nakamamatay pala, bakit ninyo pinapayagan na ibenta iyan sa mga tindahan? Bakit hindi ninyo ganap na ipagbawal ang paggawa ng sigarilyo? Nasaan ang “consistency?”

Binabati natin si EDWIN BENAVIDEZ ng Las Piñas City, at si NOEL BINUYA ng Murphy, Quezon City.

ni Peter Talastas

About hataw tabloid

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Marian Rivera My Guardian Alien

Marian sa alien—parang ang sarap niyang maging kaibigan

RATED Rni Rommel Gonzales NATANONG ang Kapuso Primetime Queen, Marian Rivera kung naniniwala ba siya na totoong …

Donny Pangilinan Belle Mariano DonBelle Cant Buy Me Love

Serye ng DonBelle laging nasa Top 10 sa Netflix

AYON sa lead stars ng top-rating series na Can’t Buy Me Love na sina Donny Pangilinan at Belle Mariano, mas …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Leave a Reply

Your email address will not be published. Required fields are marked *