Monday , April 22 2024

3 carnapper timbog, 2 pa dedbol sa enkwentro

TATLONG carnapper ang nadakip habang dalawa ang napaslang ng mga awtoridad sa magkahiwalay na insidente sa Maynila at Quezon City kahapon.

Nasakote ng pulisya ang kilalang carnapper at narekober ang ninakaw na motorskilo habang nagsasagawa ng spotting ope-ration.

Kinilala ang notorious carnapper na si Arvy Salvador alyas Neo Salvador, na matagal nang  pinaghahanap ng pulisya dahil sa mga ninakaw na motorsiklo. Nahuli ang suspek habang minamaneho ang dilaw na Mio Sporty na walang plaka at helmet sa kahabaan ng Quezon Boulevard.

Sa ulat ng Manila Police District Anti-Carnapping Section (MPD-ACS), habang isinasagawa ang spotting operation sa Sampaloc at Quiapo, namataan ang suspek na minamaneho ang nakaw na motorsiklo.

Ang nakarnap na Yamaha Mio ay nakarehistro sa isang Maria Theresa Lualhati Baylon ng 916 B Quezon Blvd., Sampaloc, Maynila,  napaulat na nawawala noong Hunyo.

Samantala, nasa kamay na rin ng mga awtoridad ang dalawang kasamahan ni Salvador, sina Norman Cunanan alyas ‘Norman’ ng 1075 Batangas St., Tondo, at si John Michael Mangu-labnan ng 1100 Molave St., Tondo, na tumatayong lider ng grupo na nasakote sa kanilang pinagtataguan.

Samantala, kapwa patay ang dalawang hinihinalang karnaper, nang makipagsabayan ng putok sa mga awtoridad kahapon sa Quezon City.

Isinusulat ang balitang ito, wala pa rin pagkakakilanlan sa mga suspek na nasa edad 25-30 anyos, nakaitim na t-shirt at maong pants, naka-bonnet at helmet.

Sa ulat ng Quezon City Police District-Criminal Investigation and Detection Unit (QCPD-CIDU) naganap ang enkuwentro dakong 4:00 ng madaling araw sa Gen. Luis Street, Novaliches Q.C.

Bago ang shoot-out, tina-ngay muna ng mga suspek ang isang motorsiklo na pag-aari ng kinilala sa pangalang “Bong” at agad naman siyang  nakapagsumbong sa mga awtoridad.

Agad naglatag ng checkpoint ang pulisya kaya mabilis na naharang ang dalawa, pero imbes huminto, pinaputukan nila ang mga nagrespondeng operatiba.

Gumanti ng putok ang mga pulis na naging dahilan ng agarang pagkamatay ng mga suspek. (LEONARD BASILIO/ JETHRO SINOCRUZ)

About hataw tabloid

Check Also

Bong Revilla, Jr

Revilla tuloy ang serbisyo-publiko sa kabila ng aksidente

“SALAMAT sa mga nag-aalala kung ano ang nangyari sa akin, pero nasa mabuti na akong …

Lobo Batangas

Sa Batangas 
PAGLAGANAP NG ILEGAL NA SUGAL SA LOBO IKINABAHALA NG BUSINESSMEN

LUBOS na nababahala ang grupo ng mga negosyanteng kinabibilangan ni Efren Ramirez sa isyu ng …

Bong Revilla Jr Maynilad sinkhole

Maynilad panagutin sa sinkhole — Revilla

“DAPAT managot ang Maynilad at kanilang mga kontraktor.”                Ito ang ipinahayag ni Sen. Ramon …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

shabu drug arrest

Sa Caloocan
PINTOR HULI SA P.1-M SHABU

IMBES pagpipinta ng bahay, pumasok sa ‘drug trade’ ang isang house painter pero ‘minalas’ na …

Leave a Reply

Your email address will not be published. Required fields are marked *