Monday , January 24 2022

Ginang patay, anak sugatan sa live-in partner

PATAY ang isang ginang habang sugatan ang kanyang 8-anyos anak na lalaki nang magwala at saksakin ng kanyang live-in partner kamakalawa ng gabi sa Pasay City.

Hindi na umabot nang buhay sa San Juan De Dios Hospital ang biktimang si Cherry Ann Montero, 28-anyos ng 2297 F.B. Harrison Street, sanhi ng tatlong saksak sa baha-ging likuran.

Nasugatan din  sa kaliwang kamay at nasa mabuting kalagayan na ang anak ng biktimang si Justin Mark Montero nang magtangkang umawat sa away ng dalawa.

Isinugod din sa naturang pagamutan at nilalapatan ng lunas ang suspek na si Ronaldo Pagao, 28, nang magtangkang magpakamatay sa pamamagitan ng sunod-sunod na pagpalo sa kanyang ulo, gamit ang mar-tilyo.

Sa imbestigasyon nina SPOs2 Chris Gabutin at Geno-mar P. Geraldino ng Station Investigation Detective Management Section ng Pasay City Police dakong 9:35 ng gabi nang maganap ang insidente sa loob ng kanilang bahay sa F.B. Harrison, sa nasabing lungsod.

Ayon sa report, nakatanggap ng impormasyon ang suspek na nakikipagkita pa ang live-in sa dating asawa na ikinagalit niya at nagkaroon ng mainitang pagtatalo ang dalawa.

“Naghinala si Pagao na na-kikipagkita pa ang kanyang ka-live-in sa dating asawa. May duda rin ang suspek na hindi siya ang ama ng dalawang taon nilang anak na lalaki kaya nagkaroon sila ng mainitang pagtatalo,” ayon sa isang im-bestigador.

Sa gitna ng pag-aaway, nakakuha ng patalim ang suspek at inundayan ng sunod-sunod na saksak sa likod ang biktima habang nagtangkang umawat si Justin Mark kaya’t nahagip din ng saksak.

Duguan  na ang biktima ay nagawa pang makalabas ng bahay kasunod ang kanyang anak kaya nakahingi ng tulong sa kanyang mga kaanak at kapitbahay na nagsugod sa kanila sa pagamutan.

(JAJA GARCIA)

About hataw tabloid

Check Also

Rabiya Mateo Lolo Narding Flores

Rabiya abogado ang tulong na maibibigay kay Lolo Narding

HATAWANni Ed de Leon NANAWAGAN ang dating Miss Universe contestant at nag-aartista na ngayong si Rabiya Mateo sa kung …

Las Piñas City Mayor Imelda Aguilar

Las Piñas City LGU pasado sa SGFH ng DILG

INIANUNSIYO nitong Huwebes, 20 Enero 2022, ni Las Piñas City Mayor Imelda Aguilar ang pagpasa …

Para sa CoVid-19 test kits PITMASTER NAGBIGAY NG P100-M SA LGUs

Para sa CoVid-19 test kits
PITMASTER NAGBIGAY NG P100-M SA LGUs

SA PATULOY na pagsirit ng hawaan ng CoVid-19 sa bansa partikular sa Metro Manila, nag-donate …

NTC suportado sa pagtutol ng OSG sa “ABS-CBN Favoritism Bill” na isinusulong ni Sen. Leila De Lima

SINUPORTAHAN ng National Telecommunication Commission (NTC) ang pagtutol ng Office of the Solicitor General (OSG) …

Cha-cha ipaubaya sa sunod na kongreso — Rodriguez

HINIMOK ni House Deputy Speaker Rufus Rodriguez ang mga kasamahan niya sa Kongreso na ipaubaya …

Leave a Reply