NAGULAT ang overseas Filipino worker (OFW) na si Gina Basilan Perez, 37 anyos, nang makita ang sumalubong na ina na si Praxedes Basilan, 75 anyos, sa Ninoy Aquino International Airport (NAIA) Terminal 3 kahapon ng umaga. Si Perez ay isa sa mga nagwagi sa 100 Lucky Juans promo ng Cebu Pacific at GMA Pinoy TV para sa OFWs na nasa United Arab Emirates (UAE) bilang paglulunsad na rin ng unang direktang biyahe ng Cebu Pacific mula Manila hanggang Dubai at pabalik.