Sunday , May 19 2024

LTO Chief Virgie Torres nagbitiw na (Buking sa Casino)

MAAGANG nagretiro bilang hepe ng Land Transportation Office (LTO) si Assistant secretary Virginia Torres at pinabulaanan nito na sinibak siya sa puwesto ni Pangulong Noynoy Aquino.

Ayon kay Torres, bagama’t may natitira pa siyang ilang taon bago magretiro, nagpasya siyang mag-early retirement dahil sa napapagod na rin umano siya at gusto niya na ring mapagtuunan ng pansin ang kanyang pamilya.

Nabatid pang nagpaalam si Torres kay P-Noy at kay Department of Transportation and Communications (DoTC) Secretary Jun Abaya bilang paggalang sa kanila.

Matatandaang naeskandalo si Torres nang kumalat ang video nito sa internet habang nagsusugal sa Casino, na mariin naman niyang pinabulaanan.

Napag-alamang  23 taon nagsilbi sa gobyerno si Torres at naging LTO chief nang umupo si P-Noy.

Hanggang  katapusan na lamang ng Oktubre si Torres, at ipinauubaya na lamang niya sa Pangulo kung sino ang hahalili sa kanya.

(JETHRO SINOCRUZ)

EX-DOTC CHIEF PUMANAW NA

PATAY na ang dating opisyal ng gobyerno na si Leandro Mendoza sa edad 66.

Kinompirma nina ex-Transportation and Secretary Thompson Lantion at dating LTO Chief Bert Suansing ang pamamaalam ng dating opisyal na nasangkot sa anomalya noong rehimen ni Gloria Arroyo, kahapon ng madaling araw sa bahay nito sa Parañaque.

Ani Lantion, ang anak ni Mendoza na si Batangas 4th District Rep. Mark Mendoza, Jr., ang nagkompirma ng balita.

Matatandaang nag-collapse si Mendoza habang nagdiriwang ng kanyang ika-65 kaarawan sa San Juan, Batangas noong Marso at isinugod sa St. Lukes Medical Center, Taguig.

Naging hepe ng Philippine National Police (PNP) si Mendoza at naging kalihim ng Department of Transportation and Communication (DoTC) at naging Executive Secretary rin ni Arroyo.

Nakaburol ang labi ng dating opisyal sa Heritage Park sa Taguig simula kahapon.

Magugunitang ipinaaresto si Mendoza ng Sandiganbayan 4th Divsion noong isang taon dahil sa maanomalyang NBN-ZTE deal.

Bukod kay Mendoza, kasama rin sa graft case sina dating Pangulong Gloria Macapagal-Arroyo, ex-First Gentleman Mike Arroyo at ex-Comelec Chair Benjamin Abalos.

About hataw tabloid

Check Also

Arrest Posas Handcuff

Gunrunner nasakote sa submachine gun

DINAKIP ng mga operatiba ng  Quezon City Police District (QCPD) ang isang gunrunner makaraang makompiskahan …

Groundbreaking ng Level III regional hospital hudyat ng pag-asa para sa Lagunenses

Groundbreaking ng Level III regional hospital hudyat ng pag-asa para sa Lagunenses

PARA higit na makapagbigay ng kalidad na serbisyong medikal sa mga Lagunenses, sinimulan nang itayo …

DANIEL FERNANDO Bulacan

 Fernando determinadong tuparin ang pangako sa bawas trapiko at ligtas na komunidad

Determinado si Gobernador Daniel R. Fernando na tuparin ang kanyang pangako na bawasan ang trapiko …

4 drug trader tiklo sa Bataan buybust

4 drug trader tiklo sa Bataan buybust

NASAKOTE ng mga ahente ng Philippine Drug Enforcement Agency (PDEA) Bataan Provincial Office ang isang …

Kolektor ng pautang hinoldap sa palengke, binoga ng riding-in-tandem

Kolektor ng pautang hinoldap sa palengke, binoga ng riding-in-tandem

DEAD-ON-THE-SPOT ang isang ginang na sakay ng tricycle matapos holdapin at barilin ng mga lalaking …

Leave a Reply

Your email address will not be published. Required fields are marked *