NALIBING nang buhay ang 11-anyos batang lalaki matapos matabunan ng gumuhong lupa sa bulubunduking bahagi ng Sitio Buntay, Brgy. Calumagon, Bulan, Sorsogon kamakalawa.
Patay na nang maiahon mula sa pagkakabaon sa lupa ang biktimang si Noel Hachero.
Napag-alaman na nagku-quarry ang biktima nang biglang gumuho ang lupa sa kanyang kinalalagyan at siya ay natabunan.
Tumagal ng apat na oras bago nahukay ang biktima. (BETH JULIAN)
