Friday , May 24 2024

Warrant of arrest vs Reyes bros epektibo pa

Nananatili pa rin ang mandamiento de aresto laban sa magkapatid na ex-Palawan Gov. Joel Reyes at ex-Coron Mayor Mario Reyes sa kasong pagpatay kay Dr. Gerry Ortega.

Ito ang nilinaw ni Atty. Alex Avisado, abogado ng pamilya Ortega, makaraan ibasura ni Judge Angelo Arizala ng Puerto Princesa Regional Trial Court Branch 52, ang mosyon na inihain ng kampo ng dating gobernador na bawiin ang warrant of arrest at ibasura ang kaso laban sa kanya.

Ani Avisado, maging ang mosyon ng dating alkalde nang hilingin niyang baligtarin ng hukuman ang finding of probable cause sa kaso ng pagpatay kay Dr. Ortega ay hindi rin pinagbigyan ni Judge Arizala.

Sa nasabing mga desisyon ng hukom, pinagtibay ng mababang korte ang nauna nitong kautusang may petsang March 27, 2012, na nagsasabing may probable cause para ipagharap ng kasong murder sa korte ang magkapatid na Reyes at iutos ang pag-aresto sa kanila.

Dahil dito, naniniwala si Avisado na sa kabila ng pag-abswelto ng Court of Appeals Special 10th Division kay dating Governor Reyes ay nananatili pa rin ang warrant of arrest laban sa magkapatid. (LEONARD BASILIO)

MAHISTRADO NG CA KINASTIGO NI DE LIMA

Muling binanatan ni Justice Secretary Leila de Lima ang mga mahistrado ng Court of Appeals na bumoto para ibasura ang kasong murder  laban kay dating Palawan Gov. Joel Reyes.

Ayon kay De Lima, hindi niya maaaring palagpasin ang pag-abswelto ng CA kay Reyes kaya iaapela nila ang desisyon sa Korte Suprema.

Sa tingin umano ng kalihim, tila nasapawan ang kapangyarihan ng Secretary of Justice tungkol sa mga panloob na proseso sa DoJ na hindi nauunawaan ng mga mahistrado na bumoto laban sa desisyon ng kagawaran na kasuhan sa korte si Reyes.

Bilang Secretary of Justice, mayroon umano siyang plenary authority para kontrolin ang mga proseso at proceedings sa kagawaran.

Kaya kung nakikita umano niya na posibleng mayroong “miscarriage of justice” sa isang kaso, may kapangyarihan siya na iyon ay remedyohan.

Dahil dito, sinabi ni De Lima na iniutos niya ang paglikha sa second panel of prosecutors lalo pa’t mayroong mga bagong ebidensya na idudulog ang kampo ng mga Ortega na ayaw tanggapin ng unang lupon ng mga prosecutor.

Nababahala si De Lima na kung hindi nila iaakyat ang kaso sa Korte Suprema, magkakaroon ng negatibong epekto ang desisyon ng Court of Appeals sa paggampan ng kalihim ng DoJ sa kanyang mandato.

(LEONARD BASILIO)

About hataw tabloid

Check Also

Jeannie Sandoval Malabon DBP

Para palakasin ang pabahay, kalusugan, infra projects at socio-economic dev’t
MAYOR JEANNIE SANDOVAL NAKIPAG-UGNAYAN SA DBP

UPANG mapabuti ang paghahatid ng mga serbisyo sa mga Malabueño, nakipagtulungan ang pamahalaang lungsod ng …

052324 Hataw Frontpage

14.97 % WACC nanatili mula 2010
MERALCO FRANCHISE RENEWAL IBASURAv — SOLON

INISA-ISA ni Sta. Rosa City Rep. Dan Fernandez ang mga dahilan para ibasura ang panukalang …

052324 Hataw Frontpage

Sa bantang pag-aresto ng China 
PH NAVY KASADO

NAKAHANDANG ipagtanggol ng Philippine Navy ang mga mangingisdang Pinoy kapag inaresto ng Chinese Navy sa …

shabu drug arrest

3 kelot arestado sa ilegal na droga

NAARESTO ang tatlong suspek sa isinagawang drug buybust operation ng Muntinlupa City Police Station Drug …

Ferry boat

Babala ng MMDA
ILOG-PASIG HINDI MADARAANAN NG FERRY BOATS

NAG-ABISO ang Metropolitan Manila Development Authority (MMDA) sa mga pasahero ng Pasig River Ferry Service …

Leave a Reply

Your email address will not be published. Required fields are marked *