UMABOT ng tatlumpung minutong nagliyab ang basement ng GMA Network sa Quezon City, Linggo ng gabi.
Alas-9:25 ng gabi nang sumiklab ang sunog na posibleng sa maintenance room ng nasabing basement nag-umpisa.
Mabilis namang narespondehan ng Quezon City Fire Department at ABS-CBN fire truck ang sunog.
Ayon kay Fire Supt. Cesar Fernandez, umabot sa ikalawang alarma ang sunog bago naapula alas-9:55 kamakalawa ng gabi.
Wala namang nasaktan sa sunog habang inaalam pa ang halaga ng pinsala nito.
