Friday , March 29 2024

DoLE official sa sex-for-flight swak sa rape

Pinakakasuhan na ng National Bureau of Investigation  ng mga reklamong  kriminal ang opisyal ng Department of Labor and Employment na sangkot sa sex-for-flight scheme.

Sa final report ng NBI, inirekomenda na maipagharap ng reklamong attempted rape at tatlong bilang ng reklamong “abuses against chastity” ang isang Assistant Labor Attache na naka-assign sa Embahada ng Pilipinas sa Middle East.

Dahil sa ginawang sexual harassment sa tatlong distressed female overseas Filipino workers (OFWs) na humingi ng saklolo sa Embahada.

Inirekomenda rin ng kawanihan na maipagharap ng reklamong attempted rape at abuse against chastity ang isang local hire na nagsilbing driver ng labor attache.

Nag-ugat ang imbestigasyon  ng  NBI  sa  nabunyag na sex-for-flight scheme na ang mga OFW na humihingi ng tulong sa ating Embahada sa Middle East ay sekswal na inaabuso kapalit ng pagkakaloob ng official assistance kabilang na ang pagproseso sa kanilang mga travel document at  pagbibigay ng tiket sa eroplano pauwi sa Filipinas.

Bukod sa reklamong kriminal, inirekomenda rin ng NBI ang paghahain ng administrative charges sa nasabing Assistant Labor Attache na inaakusahan ng panggagahasa, gayondin ang Labor Attache na kumuha ng serbisyo ng inirereklamong driver.

Ang pinal na ulat ng NBI ay naisumite kay Prosecutor General Claro Arellano para maisalang ang nasabing mga opisyal sa preliminary investigation.

Isinumite rin ang ulat kay Labor Secretary Rosalinda Baldoz para sa kaukulang aksyon sa aspeto ng administrative charges.

(LEONARD BASILIO)

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *