Thursday , March 28 2024

24 patay sa Zambales landslides

UMABOT na sa 24 ang namatay sa naganap na landslides sa Zambales bunsod ng malakas na buhos ng ulan kahapon ng umaga.

Ang 15 sa mga biktima ay namatay sa dalawang magkahiwalay na landslindes sa Brgy. Wawandue at Brgy. San Isidro sa bayan ng Subic, ayon kay Mayor Jefferson Khonghun.

Narekober na ang bangkay ng siyam biktima sa Wawandue, ayon kay 1Lt. Yvonne Ricarforte, civil military operations officer ng 24th Infantry Battalion ng Army.

Patuloy ang search operations, pahayag ni Ricarforte.

Isa pang biktima na naputulan ng paa ang nasagip ng mga sundalo. Bunsod ng matinding baha ay mahirap punta-han ang Subic, dagdag ni Ricaforte.

Anim na bahay ang natabunan sa Wawandue ayon kay Maj. Emmanuel Garcia, hepe Armed Forces’ 1st Civil Relations Group.

Tatlo katao ang hindi pa natatagpuan sa Subic, na isinailalim na sa state of calamity.

Limang iba pa ang namatay sa Castillejos, Zambales nang matabunan ng gumuhong lupa ang kanilang bahay kahapon ng umaga.

Apat pa ang namatay sa naganap na landslide sa Brgy. Aglao, San Marcelino sa bayan ng Zambales. (BETH JULIAN)

OCCIDENTAL MINDORO STATE OF CALAMITY NA

BUNSOD ng patuloy na pag-ulan dulot ng Habagat, isinailalim sa state of calamity ang Sablayan, Occidental Mindoro na mahigit sa 400 pamilya ang inilikas dahil sa lagpas-taong baha.

Mula sa mga barangay ng Victoria, Claudio Salgado, Lagnas at Tagumpay, ay inilikas ang daan-daang residente at pansamantalang pinatuloy sa evacuation centers mula nitong Linggo nang umapaw ang mga ilog.

Dahil sa malakas na pag-ulan, ekta-ektaryang palayan na dapat sana ay aanihin na sa Oktubre ang nawasak matapos malubog sa baha at maging ang irrigation facilities ay nawasak.

Ilang araw na rin walang supply ng koryente sa Sablayan.

(BETH JULIAN)

KATEDRAL, KABAHAYAN  WINASAK NI ODETTE

HUMIHINGI ng saklolo ang isang lider ng Simbahang Katoliko para sa pagpapatayo ng mga bahay at Katedral na nawasak sa pananalasa ng bagyong Odette sa Batanes.

Sinabi ni Batanes Bishop Camilo Gregorio, winasak ng bagyong Odette ang maraming bahay kasama na ang Cathedral of the Concepcion, tahanan ng mga pari at Bishop’s house at ito rin ang pinakamalakas na bagyo na tumama sa Batanes sa nakalipas na 25 taon.

Partikular na umaapela si Gregorio ng tulong lalo na ng construction materials para sa pagsasaayos ng mga tahanan at kanilang Simbahan.

(LEONARD BASILIO)

KLASE, TRABAHO  KANSELADO SA METRO

Walang patid na ulan ang bumuhos sa Metro Manila at mga karatig lalawigan dahil sa Habagat na nagresulta  sa malawakang pagbaha kaya’t kinansela ang pasok sa eskwela sa lahat ng antas.

Mula sa yellow rainfall advisory para sa Metro Manila nitong maghapon ng Linggo, itinaas ito sa orange rainfall advisory Lunes ng umaga.

Agad sinuspendi ng mga awtoridad ang klase sa mga eskwelahan at maging pasok sa mga opisina gayondin kinansela ang biyahe ng mga eroplano papasok at palabas ng bansa.

40 KATAO INILIKAS SA BASECO

PITONG pamilya na may 40 katao ang inilikas mula Baseco Compound, Tondo, Maynila nang tumaas ang tubig dahil sa walang tigil na pag-ulan sa lungsod, kahapon.

Ayon kay Johnny Yu, officer-in-charge ng Manila Disaster Risk Reduction and Management Council, ang mga pamilya ay inilipat sa Baseco evacuation center upang matiyak ang kanilang kaligtasan.

(LEONARD BASILIO/BRIAN BILASANO)

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *