HATAW! D'yaryo ng Bayan hatawtabloid.com
PATAY ang isang Indian national matapos tambangan ng riding in tandem makaraang maningil ng pautang kamakalawa ng gabi sa Valenzuela City.
Agad binawian ng buhay ang biktimang si Kulman Singh alyas Jesse, 59, residente ng #104 Dama de Noche St., Brgy. Marulas ng nasabing lungsod.
Pinaghahanap na ang dalawang hindi nakilalang suspek na mabilis na tumakas matapos ang pamamaril sakay ng hindi naplakahang motorsiklo.
Batay sa ulat ng pulisya, naganap ang insidente dakong 7 p.m. sa Pio Valenzuela St.
Nabatid na sakay ng kanyang motorsiko ang biktima nang sabayan ng motosiklong sakay naman ang dalawang suspek.
Pagsapit sa madilim na bahagi ng lugar ay hinarang ng mga suspek ang biktima saka malapitang pinaputukan.
Hinala ng mga awtoridad, may kinalaman ang insidente sa malaking sindikato na pinatatakbo ng mga Indian national. (ROMMEL SALES)
