HATAW! D'yaryo ng Bayan hatawtabloid.com
KANINO kaya nanghihiram ng ‘SUNGAY’ at ‘KAPAL NG MUKHA’ ang isang Senior Inspector Prudencio Lumapat ng Pasay City police PCP 8?
Ibang klase kasi ang ipinakikita niyang tigas at angas kay NCRPO chief, Gen. Marcelo Garbo.
Matagal na palang ipina-RELIEVE ni GEN. GARBO si KUPITAN ‘este’ KAPITAN LUMAPAT sa kanyang pwesto bilang Pasay PCP 8 dahil doon lang pirming nakababad sa loob ng Resorts World Hotel & Casino pati na raw ang kanyang mga tauhan. Mismong si Gen. ‘Bogart’ pa nga raw ang nakahuli sa mga lespu sa loob ng Resorts World.
Pero hanggang ngayon ay hindi pa rin umaalis doon. Ni hindi pa nga nakaligpit ang mga gamit ni Kapitan Lumapat.
Ayon sa isang unimpeachable source, overstaying na nga raw si Lumapat d’yan sa PCP-8 at kaya ayaw lumayas d’yan ay dahil tumatanggap umano nang hindi bababa sa P200,000 kada buwan ang nasabing PCP sa mga tangga galing sa ilegal na terminal at overtime mula sa RW Casino.
Deklarado kaya ‘yan?!
O baka si S/Supt. Rodolfo Llorca at kupitan este Kapitan Lumapat lang ang nagkakaalaman at nagkakalapatan?
Ang katwiran pa raw ni kupitan este Kapitan Lumapat kung bakit hindi pa siya umaalis sa nasabing PCP ay dahil siya ang nagbabantay sa ipinagagawang bagong bahay ng kanyang bossing!?
KERNEL LLORCA, ikaw ba ang tinutukoy na bossing ni Kap. Lumapat?
Aha!
If this is true, bilib na ako … wala pang dalawang taon sa Pasay City ‘e, nakapagpapagawa na ng bagong bahay si KERNEL LLORCA?!
Ang GALING, GALING mo Kernel LLORCA.
Alam kaya ni Chief Supt. Jose Erwin Villacorte ‘yan?!
Mukhang MADE na MADE ka na d’yan sa Pasay City KERNEL LLORCA.
‘Yan ba ang dahilan kung bakit, MALAKAS ang LOOB ni kupitan este KAPITAN LUMAPAT na suwagin ang utos ng bossing ninyong si GEN. GARBO?!
Aba, GEN. GARBO, kung isang kupitan este kapitan lang ang sumusuway sa UTOS mo at tila nagmamalaki pa ‘e nanganganib ang reputasyon ng iyong liderato.
Ano na lang ang sasabihin sa iyo ng iba mo pang opisyal?!
Sa isang KUPITAN este KAPITAN pa lang ay nagiging LAME DUCK ka na?!
Gen. GARBO, bakit hindi mo subukang ipa-LIFESTYLE check si KERNEL LLORCA?!
Baka isang araw ‘e magising na lang tayong narito na sa Pinas ang lahat ng MONEY LAUNDERER sa Asia at naglalabada ng kwarta sa Resorts World Casino … na mga de-escort pa?!
Gen. GARBO, hahayaan mo bang sinusuwag-suwag ka lang ni KUPITAN este KAPITAN LUMAPAT?!
ALYAS DENNIS BIR NATIYOPE NA SA MGA SABUNGAN!
BIGLANG-BIGLA raw ang pagha-HIBERNATE ni alyas DENNIS BIR sa mga SABUNGAN.
Kumbaga biglang nag-LIE LOW ang mahangot at mayabang na si Dennis BIR sa mga sabungan na kanyang pinupuntahan gaya sa lalawigan ng Rizal.
Siya po ‘yung ikinokolum natin na BIR employee, nakatalaga sa isang opisina sa Metro Manila pero mas madalas pang nakikita sa mga sabungan gaya sa Texas Cockpit sa Antipolo, San Roque sa Marikina, sa Santa Monica Cockpit at sa San Juan Coliseum at ang entry name niya sa malalaking derby ay ‘yung KING INAMU.
Kung noong una ay IPINAGMAMALAKi ni alyas DENNIS ‘BIR’ na wala siyang ‘daga sa dibdib’ at hindi niya kailangan maghinay-hinay kapag nabunyag ang pandarayang ginagawa niya sa gobyerno lalo na ang kanyang walang sawa at tila sky’s the limit na pagsaSABONG, ngayon daw ‘e biglang hindi na lumutang sa mga sabungan si HANGOT.
Nitong nakaraang Biyernes daw ay hindi na nakita sa sabungan at maging ang kanyang pakonsiyerto sa Texas Cockpit sa Antipolo ay hindi na rin niya nasipot.
‘Yan ang sikat na sikat na si alyas Dennis BIR. Hindi ba’t marami nga ang nagtataka kung saan siya kumukuha ng milyon-milyong pamparada at pangpusta sa sabungan?
Ngayon ka MAGPALIWANAG alyas DENNIS BIR! Saan ka kumukuha ng milyon-milyong pamparada sa sabungan at bakit sandamakmak ang bodyguards mo!
O ngayon, hindi pa ba DINADAGA ang DIBDIB mo?!
PASUGALAN SA ALFONSO, CAVITE TIMBRADO KAY MAJOR DIMAYA, HEPE AT DALAWANG KONSEHAL NG BAYAN?
AKALA natin ay mayroon talagang ipinatutupad na “NO TAKE POLICY” si PNP chief, Dir. Gen. Alan Purisima.
Pero mukhang wala naman kasi TULOY-TULOY lang ang ligaya ni Chief Insp. Romulo Dimaya, ang hepe ng Alfonso Cavite.
Kung ‘yung sa Pasay City ay kupitan este kapitan, eto namang sa Cavite ay MAJOR … major, major problem ni PNP chief Purisima.
Aba mantakin n’yo naman, mula umano nang maging hepe d’yan sa Alfonso si Dimaya ay lalong dumami ang mga pasugalan.
‘Yan ba ang EXPERTISE mo Major Dimaya?
Ipinagmamalaki umano ni Major Dimaya na walang pwedeng bumangga sa kanya dahil direkta siya kay
Provincial Director C/SUPT. ALEXANDER DE GUZMAN RAFAEL at kay CALABARZON Regional Director C/SUPT JESUS GATCHALIAN.
Kaya naman ang SAKLA ay minamaniobra umano sa mismong palengke ng Alfonso, Cavite.
Kaya malakas man ang pagtutol ng mga residente ay wala silang magawa kasi nga hawak ni HEPE kasabwat pa umano ang dalawang KONSUHOL este KONSEHAL ng bayan bilang protektor.
Kilala kaya nina Konsehal Felix Baiya at Berting Kailing ang mga konsuhol na protektor ng mga sugalan d’yan sa Alfonso?
Isang alyas Edy Rollon naman umano ang itunuturong operator ng sakla at meron din siyang sabungan na nakabase naman sa Brgy. Manggas. Mula Huwebes hanggang Linggo umano kung magpalaro at may TARA na P2,500 kada isang araw ang mga opisyal ng pulisya partikular na umano si RD Jesus Gatchalian na kinokolekta ng isang SPO3 Paquito Chan, Jr.
Si Chan umano ay nagpapakilalang ‘bagman’ ni Gatchalian. ‘Yan daw ang dahilan kung bakit walang pwedeng makialam sa talamak na pasugalan sa Alfonso, Cavite.
PD Alexander DG Rafael, ‘yan ba ‘yung sinasabi ni PNP chief Alan Purisima na NO TAKE POLICY?
Paki-esplika nga po!
Para sa mga reaksiyon, suhestiyon, reklamo at sumbong, magtext sa 0915.804.7630 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
