This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.

HATAW! D'yaryo ng Bayan

Blog

  • Ang “Sacred Sightline” ni Mr. Carlos Celdran

    00 Bulabugin JSY

    AKALA ng isang palaka na nasa loob ng balon, sinlaki lang ng bunganga nito ang kalangitan. Kaya nang nakaahon siya sa balon, muntik pa siyang mahulog ulit sa loob nito sa pagkagulat at realisasyon na napakalawak pala ng kalangitan.

    Ganito ko tinitingnan ang online petition ni tour guide Carlos Celdran at ngayon ay tourism consultant ni Mayor Erap,  laban sa itatayong Torre de Manila condominium sa Taft Ave., Ermita, Maynila.

    Ayon kay Mr. Celdran, ang “sacred sightline” ng monument ng national hero ay dapat na ipreserba.

    Noong isang taon pa raw inumpisahan ni Mr. Celdran ang kanyang kampanya dahil sisirain umano nito ang view ng Rizal Monument at ang view ng Luneta Park.

    Gusto natin ‘yan. Gusto natin ang mga kaisipan at damdaming nasyonalista …

    Pero sana TOTOO at sana consistent lang!

    Ang Manila Hotel ba ay nakasisira sa “sacred sightline” ng Rizal Monument?

    Napapanatili ba ng mga itinayong sari-sari store na mukhang barong-barong ang dignidad at dangal ng Monumento ni Rizal at ng kabuuan ng Luneta Park?

    Kaiga-igaya bang tingnan  na nasa loob mismo ng Luneta Park ang mga tinda-tindahan na ‘yan?

    Ang “sacred sightline” ba ng Rizal Monument ay kapag nakatanaw ka sa direksiyon patungong Taft Ave.? E ‘yung kapag nakatanaw sa Roxas Blvd?

    Sa gawi ng P. Burgos at sa gawi ng T.M. Kalaw?

    Ilang katanungan lang po ‘yan, Mr. Celdran.

    And last  but not the least, bakit noong tinayuan ng PERYAHAN ang LUNETA, hindi ka kumibo?

    Noong tayuan ng PERYAHAN at TIANGGEHAN ang Bonifacio Shrine sa Mehan Garden at sa Rajah Sulayman, umepal at nagsalita ka ba?

    Ngayong nagmumukhang palengke dahil sa tianggehan kuno at namamanghi na ang Bonifacio Shrine, magpapa-online petition ka rin ba para tanggalin na ang tianggehan d’yan?!

    Remember Mr. Celdran, CONSISTENCY and HONESTY is the best policy.

    Time to scrutinize your conscience now!

     

    [divider]

    [highlight]Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com[/highlight]

    [divider]

  • Ang dakilang bagman ng MPD PS-11

    00 Bulabugin JSY
    IMBES gibain at sugpuin ang grupo ng mga kolektong kontra sa pobreng vendors sa Divisoria, Maynila ay tila kinokonsinti at protektado pa ng mga pulis ng MPD lalo na diyan sa PS-11.

    Lumalabas na talagang balewala at hindi iginagalang ang utos ni Yorme ERAP na ZERO KOTONG sa mahihirap na vendors sa Kamaynilaan.

    FYI MPD PS-11 Chief Kernel WILSON DOROBO ‘este’ DOROMAL, iniiyak ng mga vendor ang isang nagpapakilalang BAGMAN ng PS-11 na si alias TATA BONG KRUS na may mga galamay na kolektong  na sina TATA MARLON U-SE-BIO at TATA JOY BOKAL.

    Isa sa mga raket nila ay hulihin ang mga vendor na hindi pasok sa organization (USVDAI) sa utos umano nina  FERDIE at little mayor JIMMY SORIANO.

    Sikat na sikat na nga raw si Bagman Bong Krus sa AOR ng ONSE lalo na sa mga KTV bar at sauna bath.

    MPD district director Gen. Isagani Genabe, alam mo bang pinagtatawanan ka lang ni alias Bong Krus dahil kahit may order/assignment na siya sa PS-5 ay stay-put pa rin siya sa ONSE?

    Paano nga naman siyang ipalilipat ni Kernel Doromal sa ibang estasyon ‘e ang galing daw mag-deliver ni Tata Bong?!

    Sa inyo ba Sir Gani Genabe, nagde-deliver ba si Tata Bong?

    Nagtatanong lang po tayo!

    [divider]

    [highlight]Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com[/highlight]

    [divider]

  • Fast and Furious star patay sa Yolanda (Charity event pupuntahan)

    120213_FRONT

    LOS ANGELES —  Kinompirma ng kampo ni “The Fast and the Furious” star Paul Walker ang pagkamatay ng aktor dahil sa “tragic car accident” habang papadalo sa isang charity event para sa mga biktima ng super typhoon Yolanda sa bansa.

    Ayon sa ulat, nangyari ang aksidente sa Santa Clarita, Los Angeles. Habang lulan si Walker ng Porsche sports car nang mawalan ng kontrol at bumangga sa isang puno, bago lumiyab at sumabog.

    “It is with a truly heavy heart that we must confirm that Paul Walker passed away today in a tragic car accident while attending a charity event for his organization Reach Out Worldwide,” ayon sa Official Facebook account ng aktor.

    “He was a passenger in a friend’s car, in which both lost their lives. We appreciate your patience as we too are stunned and saddened beyond belief by this news,” dagdag pa sa mensahe.

    Iniimbestigahan ng L.A. County Sherriff’s Office ang insidente at ang coroner office ay nakatakda namang magbigay ng pahayag kaugnay sa aksidente na kinasangkutan ng aktor.

    Nabatid na may ginagawang charity event ang aktor para makalikom ng pera para i-donate sa mga biktima ng super typhoon Yolanda sa Filipinas.

    HATAW News Team

    [divider]

    JESSICA SANCHEZ UMUWI SA PH PARA SA YOLANDA VICTIMS

    SAMANTALA nasa Filipinas ngayon si American Idol runner-up na si Jessica Sanchez para personal na tumulong sa mga kababayang sinalanta ng bagyong Yolanda.

    Sa kanyang Twitter account, inihayag ng Filipina-American singing sensation ang kanyang “excitement” sa muling pagbisita sa Filipinas.

    “Mabuhay Philippines!!! Excited to be back and ready for@starkeycares @TaniAustin @ and their amazing team!!! Such an incredible foundation!!”

    Sinasabing mananatili hanggang Disyembre 10 sa bansa si Sanchez at magiging katuwang siya ni 8-division world champion Manny Pacquiao sa pagpapatuloy ng relief efforts sa Central Visayas.

    Ang kantang “Lead Me Home” na kasama sa iTunes collection na “Songs for the Philippines” ay isinulat ni Jessica bilang bahagi ng fund-raising efforts para sa mga kababayan.

    Ang album na nagkakahalaga ng $9.99 o P429 sa iTunes ay naglalaman ng 39 awitin ng international singers at legends.

    Ang kikitain dito ay mapupunta sa Philippine Red Cross para itulong sa mga biktima ng kalamidad.

    Ang mga artist na kabilang sa album ay ang Beatles, Bob Dylan, Lady Gaga, Adele, Justin Bieber, Alicia Keys, Beyonce, Cher, Eminem, Michael Buble, Jessica Sanchez, Madonna, One Directon, U2, Justin Timberlake, Pink, Enrique Iglesias at marami pang iba.

    [divider]

    PACMAN NAMIGAY NG CASH, BIBLE, RELIEF GOODS SA YOLANDA SURVIVORS

    GENERAL SANTOS CITY –  Hindi lamang relief goods ang ibinigay ni 8th Division World champion Manny Pacquiao sa mga residente ng Guian, Eastern Samar na una niyang binisita.

    Kasama sa relief goods ang mga Biblia sa ibinigay ng boksingero sa mga biktima ng bagyong Yolanda at namudmod ng tig-P1,000 cash sa bawat pamilyang nasa tent.

    Napag-alaman nasa kabuuang 96 pamilya ang pansamantalang nakatira sa mga tent ng nasabing lugar.

    Sa pagdating ng grupo ni Pacman sa Guian kamakalawa ng gabi, agad silang nagsagawa praise and worship kasama ang mga biktima ng bagyo.

  • Yolanda fund raising ng TV networks may transparency ba?

    00 Bulabugin JSY
    HINDI naman natin tinatawaran ang kredebilidad ng mga television network at iba pang organization sa ginagawa nilang FUND RAISING ACTIVITIES para sa mga biktima ng super bagyong YOLANDA.

    Ilang kalamidad na rin naman kasi ang nagdaan pero ang iba’t ibang TV network ay patuloy sa kanilang mga fund raising activities.

    By the way, pwede rin po bang malaman kung saan n’yo ginamit ang mga na-solicit n’yong pera sa mga nakaraang kalamidad?

    Ipinapakita nila sa TV kung paano nila ipinamamahagi pero bukod sa in kind na kanilang natatanggap at ipinamimigay, nakapag-ulat din ba sila kung saan naman napunta ang milyon-milyong CASH?!

    Kung napakahigpit natin mag-demand sa gobyerno (pero marami pa rin ang nakalulusot), dapat ganoon din sa mga private organization.

    Tingin natin, mas dapat na maging TRANSPARENT ang TV networks dahil private organization sila.

    Dapat maipakita nila sa isang sistematikong paraan ang kanilang accountability sa mga sumuporta sa kanilang proyekto at sa mga taong sinabi nilang patutunguhan ng mga nakalap nilang tulong.

    Sa pinakahuling ulat ng ABS CBN, nakapangilak na sila ng halos P300 milyones para sa mga biktima ng YOLANDA.

    Sana lang ay maipakita nila sa publiko ang patutunguhan n’yan.

    Magpapatayo ba sila ng cluster houses?

    O regular housing program, mga eskwelahan o iba pang makatutulong sa rehabilitasyon at rekonstruksiyon ng mga komunidad na biktima ni Yolanda?

    Wish natin na sana ay mapunta ‘yan sa mas kapaki-pakinabang na proyekto para sa mga biktima ni Yolanda.

    Good luck.

     

    [divider]

    [highlight]Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com[/highlight]

    [divider]

  • Awan fi Wi-Fi sa airport

    00 Bulabugin JSY

    ANAK ng Tokwa!

    Parang gusto ko nang maniwala na “Worst” if not “Bad” at pwede rin “Poor” airport in the world nga ang Ninoy Aquino International Airport (NAIA).

    Ang sabi ng isang GI (Genuine Ilocano) passenger na bubulong-bulong na nagliligpit ng kanyang laptop:

    “Okinawa Japan! Ano dayta ti airport, awan met ganas … AWAN FI Wi-Fi!”

    The same feelings ang nararamdaman ng ilang travelers na netizen sa kanilang pagtungtong sa NAIA terminals dahil sa unavailability ng Wi-Fi service na dapat sana ‘e high-tech nang maituturing ang premier airport ngunit sad to say … ‘til now kanya-kanya pa rin bitbit ng broadband ang gamit nila.

    At dahil sa konsumisyon ‘este’ isyung ito ay minabuti ng ilang Airport in-house reporters na mag-verify sa tanggapan ng General Manager ng Manila International Airport Authority (MIAA).

    Ngunit ngitngit ni ‘Yolanda,’ ang tugon daw na nakuha ng mga kapatid natin sa hanapbuhay ay hindi nila umano ‘obligasyon’ ang ibigay ang pangangailangan sa internet ng airport employees much more of the riding public dahil WALA raw sa mandato nila ang pagkakabit ng Wi-Fi sa paliparan.

    Excuse me po!

    Kung totoo ang remarkable negative reaction ng GM office staff (but we don’t want to accused GM Honrado na nanggaling sa bibig niya ang remarks) ‘e hindi kataka-takang tuluyan nang makopo ng NAIA ang korona bilang century’s ‘WORST’ ang ating pobreng paliparan.

    To think of, ultimo mga jeepney, buses, waiting shed, commercial vessels at iba pang means of transport ay Wi-Fi ready na at libre pa.

    Sadly, sa NAIA ay mistulang kulelat na hippie naman sa global competition.

    GM Bodet Honrado, marami ka naman bright boys d’yan sa MIAA, sila po ang pag-ayusin n’yo sa problemang ‘yan.

    Sayang naman ang ipinasusweldo sa kanila ‘di po ba?

     

    [divider]

    [highlight]Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com[/highlight]

    [divider]

  • BI ‘s-pay-cial’ este special ops sa Visayas/Mindanao

    00 Bulabugin JSY

    MAAGA raw yatang nagpakitang gilas ang mga Alien Control Officer sa Bacolod, Iloilo, Cagayan De Oro at Cebu City. Dahil matapos ang kanilang rigodon ay dali-dali silang nag-request na ipa-verify ang mga status ng existing foreigners sa kanilang nasasakupan.

    Kaya to accommodate their request, isang ‘S-PAY-CIAL’ este Special team from the Bureau of Immigration (BI) Commissioner’s Office ang ipinadala kasama ang ilang legal officers to conduct special operations to check and verify the Immigration status ng mga foreigner doon particular ang mga Chinese, Indians and Koreans.

    Ang balita ko, napakarami raw ang hinuling foreigners sa mga nabanggit na lugar at sabi ng ating impormante sa Visayas na nakakita, kulang daw ang isang C-130 military plane para isakay at dalhin at ikulong sila sa Manila.

    Wowowee!!!

    Pero natapos at natapos ang ‘s-pay-cial’ ‘este special operations ‘e naglaho nang parang bula ang hinuling foreigners. Matapos silang i-check at i-profile, napag-alaman na puro legal ang dokumento nila at wala raw palang Immigration violations!?

    WTF!!!

    Ang galing naman n’yo ha! Parang imposible naman yata ‘yang special operations n’yo, sabi ng inaanak kong si “Honesto!”

    Ni isa wala man lang nakulong o nakasuhan sa mga hinuling Bombay at Intsik na ang dami o bilang ay kasyang isakay sa C-130!?

    Hindi kaya magsilobo at lumaki rin ang ilong ng mga ACOs sa mga lugar na ‘yan gaya ng kay “Honesto” kapag siya ay nasisinungaling?!

    Anong masasabi n’yo rito, ACO Madarang of BI-Bacolod and ACO Neri of Cebu?!

    [divider]

    [highlight]Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com[/highlight]

    [divider]

  • Yolanda fund raising ng TV networks may transparency ba?

    00 Bulabugin JSY

    HINDI naman natin tinatawaran ang kredebilidad ng mga television network at iba pang organization sa ginagawa nilang FUND RAISING ACTIVITIES para sa mga biktima ng super bagyong YOLANDA.

    Ilang kalamidad na rin naman kasi ang nagdaan pero ang iba’t ibang TV network ay patuloy sa kanilang mga fund raising activities.

    By the way, pwede rin po bang malaman kung saan n’yo ginamit ang mga na-solicit n’yong pera sa mga nakaraang kalamidad?

    Ipinapakita nila sa TV kung paano nila ipinamamahagi pero bukod sa in kind na kanilang natatanggap at ipinamimigay, nakapag-ulat din ba sila kung saan naman napunta ang milyon-milyong CASH?!

    Kung napakahigpit natin mag-demand sa gobyerno (pero marami pa rin ang nakalulusot), dapat ganoon din sa mga private organization.

    Tingin natin, mas dapat na maging TRANSPARENT ang TV networks dahil private organization sila.

    Dapat maipakita nila sa isang sistematikong paraan ang kanilang accountability sa mga sumuporta sa kanilang proyekto at sa mga taong sinabi nilang patutunguhan ng mga nakalap nilang tulong.

    Sa pinakahuling ulat ng ABS CBN, nakapangilak na sila ng halos P300 milyones para sa mga biktima ng YOLANDA.

    Sana lang ay maipakita nila sa publiko ang patutunguhan n’yan.

    Magpapatayo ba sila ng cluster houses?

    O regular housing program, mga eskwelahan o iba pang makatutulong sa rehabilitasyon at rekonstruksiyon ng mga komunidad na biktima ni Yolanda?

    Wish natin na sana ay mapunta ‘yan sa mas kapaki-pakinabang na proyekto para sa mga biktima ni Yolanda.

    Good luck.

    [divider]

    AWAN FI WI-FI SA AIRPORT

    ANAK ng Tokwa!

    Parang gusto ko nang maniwala na “Worst” if not “Bad” at pwede rin “Poor” airport in the world nga ang Ninoy Aquino International Airport (NAIA).

    Ang sabi ng isang GI (Genuine Ilocano) passenger na bubulong-bulong na nagliligpit ng kanyang laptop:

    “Okinawa Japan! Ano dayta ti airport, awan met ganas … AWAN FI Wi-Fi!”

    The same feelings ang nararamdaman ng ilang travelers na netizen sa kanilang pagtungtong sa NAIA terminals dahil sa unavailability ng Wi-Fi service na dapat sana ‘e high-tech nang maituturing ang premier airport ngunit sad to say … ‘til now kanya-kanya pa rin bitbit ng broadband ang gamit nila.

    At dahil sa konsumisyon ‘este’ isyung ito ay minabuti ng ilang Airport in-house reporters na mag-verify sa tanggapan ng General Manager ng Manila International Airport Authority (MIAA).

    Ngunit ngitngit ni ‘Yolanda,’ ang tugon daw na nakuha ng mga kapatid natin sa hanapbuhay ay hindi nila umano ‘obligasyon’ ang ibigay ang pangangailangan sa internet ng airport employees much more of the riding public dahil WALA raw sa mandato nila ang pagkakabit ng Wi-Fi sa paliparan.

    Excuse me po!

    Kung totoo ang remarkable negative reaction ng GM office staff (but we don’t want to accused GM Honrado na nanggaling sa bibig niya ang remarks) ‘e hindi kataka-takang tuluyan nang makopo ng NAIA ang korona bilang century’s ‘WORST’ ang ating pobreng paliparan.

    To think of, ultimo mga jeepney, buses, waiting shed, commercial vessels at iba pang means of transport ay Wi-Fi ready na at libre pa.

    Sadly, sa NAIA ay mistulang kulelat na hippie naman sa global competition.

    GM Bodet Honrado, marami ka naman bright boys d’yan sa MIAA, sila po ang pag-ayusin n’yo sa problemang ‘yan.

    Sayang naman ang ipinasusweldo sa kanila ‘di po ba?

    [divider]

    BI ‘S-PAY-CIAL’ este SPECIAL OPS  SA VISAYAS/MINDANAO

    MAAGA raw yatang nagpakitang gilas ang mga Alien Control Officer sa Bacolod, Iloilo, Cagayan De Oro at Cebu City. Dahil matapos ang kanilang rigodon ay dali-dali silang nag-request na ipa-verify ang mga status ng existing foreigners sa kanilang nasasakupan.

    Kaya to accommodate their request, isang ‘S-PAY-CIAL’ este Special team from the Bureau of Immigration (BI) Commissioner’s Office ang ipinadala kasama ang ilang legal officers to conduct special operations to check and verify the Immigration status ng mga foreigner doon particular ang mga Chinese, Indians and Koreans.

    Ang balita ko, napakarami raw ang hinuling foreigners sa mga nabanggit na lugar at sabi ng ating impormante sa Visayas na nakakita, kulang daw ang isang C-130 military plane para isakay at dalhin at ikulong sila sa Manila.

    Wowowee!!!

    Pero natapos at natapos ang ‘s-pay-cial’ ‘este special operations ‘e naglaho nang parang bula ang hinuling foreigners. Matapos silang i-check at i-profile, napag-alaman na puro legal ang dokumento nila at wala raw palang Immigration violations!?

    WTF!!!

    Ang galing naman n’yo ha! Parang imposible naman yata ‘yang special operations n’yo, sabi ng inaanak kong si “Honesto!”

    Ni isa wala man lang nakulong o nakasuhan sa mga hinuling Bombay at Intsik na ang dami o bilang ay kasyang isakay sa C-130!?

    Hindi kaya magsilobo at lumaki rin ang ilong ng mga ACOs sa mga lugar na ‘yan gaya ng kay “Honesto” kapag siya ay nasisinungaling?!

    Anong masasabi n’yo rito, ACO Madarang of BI-Bacolod and ACO Neri of Cebu?!

    [divider]

    [highlight]Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com[/highlight]

    [divider]

  • 12 COA auditors, ex-solons kinasuhan sa ‘Pork’ scam’

    113013_FRONT

    INIHAIN na ng Department of Justice (DoJ) sa Office of the Ombudsman ang kasong malversation laban sa 12 auditor ng Commission on Audit (COA), mga dating congressman at ilan pang indibidwal kaugnay ng pork barrel scam.

    Ang mga dating congressman na kinasuhan ay sina Bureau of Customs chief Rosanno Rufino “Ruffy” Biazon, da-ting kinatawan ng Muntinlupa City (P1.75 million), Douglas Cagas (P9.3 million) at Marc Douglas Cagas IV (P5.54) ng Davao del Sur), Arthur Pinggoy Jr. ng South Cotabato (P7.05 million), Salacnib Baterina mula sa Ilocos Sur (P7.5 million), Arel Olano ng Davao del Norte (P3.175 million), at  Rodolfo Valencia ng Oriental Mindoro (P2.4 million).

    Ang dating mga mambabatas ay inakusahan ng paglipat ng kanilang pork barrel o Prio-rity Development Assistance Fund (PDAF) sa bogus na non-governmental organizations (NGOs) ng sinasabing mastermind na si Janet Lim Napoles kapalit ng malaking halaga ng kickbacks.

    “These lawmakers used Napoles NGOs as conduits,” ani De Lima sa press conference bago pormal na ihain ng NBI ang kaso sa Office of the Ombudsman.

    Samantala, umaabot sa 27 pang mga personalidad kasama ang 12 auditors at tatlong pinuno ng mga ahensya ang kabilang din sa mga pinakakasuhan.

    Dedeterminahin naman ng Ombudsman kung may sapat na ebidensya laban sa mga nabanggit.

    Paliwanag ni De Lima, kaya malversation ang ikakaso at hindi plunder dahil ang kinukwes-tyong halaga ay hindi aabot sa minimum amount na P50 million.

    ni LEONARDO BASILIO

    PALASYO TIKOM-BIBIG  SA KASO  VS BIAZON

    TIKOM ang bibig ng Palasyo sa pagkakasama ni Customs Commissioner Ruffy Biazon sa second batch ng kinasuhang mga mambabatas at opisyal ng pamahalaan na sangkot sa pork barrel scam.

    Sinabi ni Deputy Presidential Spokesperson Abigail Valte, hindi muna maglalabas ng ano mang pahayag ang Malacañang hanggang hindi pa natatalakay ang usapin kay Pangulong Benigno Aquino III.

    Paliwanag ni Valte, nasa pulong si Pangulong AQuino nang pumutok ang balita kahapon na si Biazon ay kabilang sa 34 opisyal ng gobyerno na sinampahan ng reklamo ng Department of Justice (DoJ) sa Ombudsman bilang mga sabit sa pork barrel scam kaya’t hindi niya nakuha ang reaksyon ng Punong Ehekutibo.

    “So I understand that I will not be able to give you a comment, at the moment, but we will inform you at the soonest—as soon as we have been able to speak with the President,” ani Valte.

    Ipinaalala niya ang naunang pahayag ng Pangulo na walang kinikilingan ang pagsusulong ng pamahalaan ng imbestigasyon sa pork barrel scam dahil ang ebidensya ang magdadala kung saan patungo at sino ang dapat papanagutin sa paglulustay sa kaban ng bayan.

    (ROSE NOVENARIO)

    KASO SA PDAF HAHARAPIN NI BIAZON

    INIHAYAG ni Customs Commissioner Ruffy Biazon na bahagi ng serbisyo sa lahat ng antas ng pamahalaan, mababa man o mataas, ang pagsusuma o accounting sa pondong pampubliko.

    Ito ang reaksyon ni Biazon kaugnay sa inihaing kasong malversation laban sa kanya ng DoJ kaugnay sa pork barrel scam.

    “Dahil dito, nakahanda akong harapin ang alegasyon na inihayag ngayon patungkol sa Priority Development Assistance Fund (PDAF) na inilaan sa aking distrito noong ako’y nanilbihan bilang Kinatawan ng Lone District ng Muntinlupa,” pahayag ni Biazon.

    Inihayag pa ng opisyal na siya ay palaging tapat sa kanyang tungkulin bilang lingkod-bayan, ngayon at noong siya ay Kongresista ng Muntinlupa sa pagsusulong ng mga programa at proyekto para sa kapakinabangan ng kanyang mga ka-distrito.

    “Pero gaya ng nakita na natin, ang mga proseso ng pagbibigay-serbisyo sa publiko ay maaring maabuso ng ilang partido o grupo. Hindi ko pa nasusuri ang mga dokumento na may kinalaman sa usapin, pero tinatanggap ko ang oportunidad na bigyang-linaw at sagutin ang mga akusasyon sa harap man ng National Bureau of Investigation, Office of the Ombudsman o sa mga korte,” aniya pa.

    (LEONARD BASILIO)

    PORK BARREL SCAM PROBE TATAPUSIN NA NG SENADO

    BALAK nang tapusin ng Senate Blue Ribbon Committee ang imbestigasyon sa kontrobersyal na multi-billion peso pork barrel scam na kinasasangkutan ng ilang mga kongresista at mga senador.

    Sinabi ni Blue Ribbon committee chairman Sen. TG Guingona, kung siya lang ang masusunod ay tatapusin na niya ang pagdinig.

    Nakamit na rin naman aniya ng komite ang mga objective nito sa paglunsad ng imbestigasyon.

    Ngunit hindi pa aniya ito pinal dahil kailangan pang konsultahin ang ilang miyembro ng komite.

    Nabatid na pagkatapos ng pork barrel scam, balak naman imbestigahan ng Blue Ribbon ang Malampaya Fund scam.

    Sa mga pagdinig ng Blue Ribbon Committee sa PDAF scam, humarap na ang mga whistleblowers sa pangunguna ni Benhur Luy, maging ang itinuturong mastermind na si Janet Lim-Napoles.

    Tatlong senador na sina Senate Minority Leader Juan Ponce-Enrile, Jinggoy Estrada at Ramon “Bong” Revilla Jr. ay isinangkot sa P10 billion pork barrel scam at sinampahan na ng kasong plunder sa Ombudsman.

    (CYNTHIA MARTIN)

  • Ildefonso balak din kunin ng TNT

    PAGKATAPOS ni Danny Seigle, si Danny Ildefonso naman ang pakay na kunin ng Talk ‘n Text.

    Isang source ang nagsabi na pinag-iisipan ng Tropang Texters na makuha ang serbisyo ni Ildefonso na hindi binigyan ng bagong kontrata ng Petron ngayong PBA season.

    At dahil limang Fil-Am ang puwede lang sa isang koponan ng PBA, plano ng TNT na pumasok sa trade kasama ang Meralco para kunin si Ildefonso.

    Nagsanib sina Ildefonso at Seigle para bigyan ng anim na titulo ang  San Miguel Beer na dating pangalan ng Petron.

    Ngunit dahil sa pagsipot ng mga bagong manlalaro tulad nina Arwind Santos at Junmar Fajardo ay tuluyang binalewala ng Blaze Boosters sina Ildefonso at Seigle.

    “I would absolutely love to play with Danny again,” wika ni Seigle sa panayam ng PTV Sports nang nalaman niya ang balita tungkol kay Ildefonso. “I know he (Ildefonso) could still play. And that would be great.”

    Naunang pumirma ng kontrata si Seigle sa TNT noong Martes ngunit hindi muna siya pinaglaro ni coach Norman Black kagabi kontra Alaska dahil hindi pa siya sanay sa sistema ni Black.

    “These guys (Tropang Texters) are already established. The core is there so I’ll be more of a complement,” ani Seigle. “I just want to do what I can do for the team.”

    (James Ty III)

  • Jumbo Plastic pinabagsak ang Wang’s

    SUMANDAL ang Jumbo Plastic Linoleum sa matinding pagratsada sa huling yugto upang padapain ang Wang’s Basketball-Athletes in Action, 75-59, kahapon sa PBA D League Aspirants Cup sa Blue Eagle Gym sa Lungsod ng Quezon.

    Nalimitahan ng Giants ang Couriers sa anim na puntos sa huling quarter upang makamit ang kanilang ika-limang panalo kontra sa isang talo.

    Naunang nakuha ng Jumbo ang 37-32 na kalamangan sa halftime sa tulong ng 11-2 na ratsada sa ikalawang quarter bago humabol ang Wang’s sa 55-53 sa pagtatapos ng ikatlong quarter.

    Isang tres ni Mark Romero at isang tira sa ilalim ni Jason Ballesteros ang nagpalayo sa Jumbo, 70-57, 1:27 ang nalalabi sa laro.

    Nanguna sa opensa ng Jumbo sina Romero at Jan Colina na gumawa ng tig-14 puntos samantalang 12 puntos naman ang ginawa nina Karl dehesa at tig-11 puntos naman sina Elliot Tan at Jason Ballesteros.

    Bumagsak ang Wang’s sa 2-4 katabla ang Boracay Rum sa gitna ng 20 puntos ni Michael Juico.

    Tinalo ng Couriers ang Cagayan Valley, 76-74, noong Lunes.

    (James Ty III)

  • Hindi lang pang-depensa si Wilson

    PUWEDE naman palang manalo ang Meralco Bolts kahit na malasin ang kanilang main  scorer na si Gary David.

    Ito ang kanilang pinatunayan noong Miyerkoles nang tambakan nila ang Air 21 Express, 112-79 para sa unang panalo nila sa tatlong laro sa PLDT myDSL Philippine Cup.

    Buhat sa 16-15 na abante sa pagtatapos ng first quarter ay lumayo ang Meralco Bolts sa second period at nagposte ng 54-36 bentahe sa halftime.  Hindi na lumingon pa mula roon ang tropa ni coach Paul Ryan Gregorio.

    Nagbida para sa Bolts si John Wilson na dating manlalaro ng Air 21. Si Wilson ay kumamada ng game-high 26 puntos kabilang na ang anim na three-point shots.

    Actually, hindi siya nagmintis ni minsan buhat sa three-point region.

    Matindi, hindi ba?

    Hindi naman unexpected ang ganitong performance buhat kay  Wilson dahil dati siyang scoring champion ng national Collegiate Athletic Association (NCAA) kung saan naglaro siya sa Jose Rizal Heavy Bombers.

    Katunayan, bago umakyat sa PBA, si Wilson ay nagwagi bilang Most Valuable Player ng NCAA noong 2009.

    Una siyang naglaro sa Barangay Ginebra San Miguel bago nalipat sa Air 21.

    Sa kanyang unang season, napasama kaagad si Wilson sa all-defensive Team ng PBA dahil ipinakita niyang kaya niyang dumepensa kahit na kontra sa mga import.

    Tuloy, nalimutan ng mga fans na matindi rin ang opensa niya. Para bang natuon sa kanilang isipan na pang-depensa lang si Wilson.

    E, hindi naman ganun. Two-way player si Wilson.

    At ngayon nga ay nailabas ni Gregorio ang katangiang ito ni Wilson.

    Baka sakaling dumating na rin ang superstardom kay Wilson!

    Sabrina Pascua

  • Apprentice A.G. Avila nagpanalo kaagad

    NATUTUWA at napaayuda ako bilang pagsuporta kay apprentice rider Abraham “Ba-Am” Avila dahil nagpanalo kaagad siya sa unang sakay niya sa aktuwal na karera, iyan ay sa kabayong si Lady Liam na nasa ikalimang takbuhan nung isang gabi sa pista ng Sta. Ana Park.

    Sa largahan ay maganda at maayos naman niyang naipalabas mula sa aparato ang kanyang dala, tapos ay medyo pirmis muna at medyo nag-aabang ng tamang pagkakataon.  Nung makasilip ng tiyempo sa may gawing  loob ay unti-unti niyang hiningan si Lady Liam at agaran naman nagresponde si kabayo. Kaya naman pagsungaw sa huling likuan ay nagtuloy-tuloy na ang kanilang pagremate at walang anuman na iniwan pa ang kanilang mga kalaban.

    Sa panalo mong iyan Ba-Am ay yumanig ng husto sa lungsod ng Valenzuela. Congrats, GOD Bless, More Power at Ingat ka palagi sa iyong pananakay. Congrats din kay Proud Papa Tirso mo.

    0o0

    Kahit na kakaunti lamang ang naging bilang ng mga kabayong naisali nung nakaraang Martes na pakarera sa pista ng Metro Turf ay marami na sana ang natuwa dahil sa ganda ng aksiyon na napanood nila sa mga unang bahagi, ang kaso pagdating sa pinakahuling takbuhan ay nagulantang ang karamihan ng mga BKs lalo na iyong mga nagkaroon ng paratingan.

    Matinding kalokohan daw kasi ang nangyari.   Bukod pa sa mga hinaing  at sama ng kalooban ay may mga beteranong klasmeyts din tayo na naringgan na sa iisang koneksiyon lang ang apat na kabayo sa limang kalahok na naglaban, kung kaya’t natural na kaya nilang maitapat iyon sa mas dehado upang sila ang mas umani habang ang mga ordinaryong karerista ay nga-nga-nga lamang at hindi na makakahabol pa dahil huling karera na iyon.

    Aguy-aguy, bakit naman kasi may ganyan?  Kaya mga klasmeyts ang maipapayo ko lang ay ugaliin na unang tignan, basahin, tandaan at tutukang mabuti ang mga pangalan ng tao sa programa kaysa sa mga kabayong tatayaan sa tatlong karerahan. Dahil ang kabayo ay umiikot lang sa karerahan o pista, samantalang ang mga tao ay kayang magpaikot sa karera.

    Fred Magno

  • PHILRACOM naglaan ng P2-Milyon sa pakarera ng PCSO at PHILTOBO

    Nagkaloob ng suportang tig P1-milyon ang Philippine Racing Commission (Philracom) sa malaking pakarera ng Philippine Charity Sweepstake Office (PCSO) at Philippine Thoroughbred Owners and Breeders’ Organization (Philtobo) na gaganapin sa buwan ng Disyembre.

    Ayon kay Philracom Director Jesus Cantos, Executive Racing Director, nagkaloob sila ng P1-milyon para sa 41st PCSO Presidential Gold Cup na gaganapin  sa Disyembre 1 sa bakuran ng San Lazaro Leisure Park, Carmona, Cavite.

    Sa nasabing pakarera ng PCSO ay maghaharap ang mga magagaling na mananakbong lokal sa pangunguna ng itinuturing na super horse na Hagdang Bato, ni Mandaluyong City Mayor Benhur Abalos, Pugad Lawin, Sulong Pinoy, Divine Eagle, Royal Jewels, My Champ Spring Collection, Bos Jaden at Arriba Amor.

    Tumataginting na P5 milyon ang inilaang papremyo ng PCSO, P1- milyon nito ay mula sa Philracom.

    Naglaan naman ng P1 milyon ang Philracom  para sa Juvenile Championship sa ilulunsad na Philtobo Grand Championship races sa bakuran ng Santa Ana Park sa Naic, Cavite sa Disyembre 15.

    Bukod sa Juvenile championship ay  may apat pang pakarera ang nakalaan sa  Philtobo Juvenile Fillies Championship race, Classic Stakes race,3 Year Old Fillies Stakes race at 3 year Colts Stakes race.

    Mahigit sa P6- milyon ang nakalaang papremyo para sa malaking pakarera ng Philtobo.

    Umaabot sa P3-milyon ang premyong inilaan ng  Philtobo para sa Juvenile Champioship na tatawid sa distansiyang 1,600 meters na siyang sinuportahan ng Philracom.

    Ni andy yabot

  • Resorts World 13th month pay ng empleyado kakaltasan pa ng 20 percent?!

    00 Bulabugin JSY

    IBANG klase talaga ‘yang Resorts Worst ‘este’ World Casino.

    Hindi talaga natin makita ang lohika kung bakit kung sino ‘yung katulong nila sa operasyon ng kanilang negosyo gaya ng mga staff nila na kinabibilangan ng Dealer, Inspector, PM, OM at iba pa ‘e sila pa ang tinitipid at ginugulangan.

    Mantakin n’yo naman, bibigyan nga sila ng 13th MONTH PAY pero kakaltasan naman ng 20 percent tax …

    Sonabagan!!!

    Anong tax ‘yan?!

    Kailan pa nagkaroon ng withholding tax ang 13th month pay?

    Aba halos katumbas din ‘yan ng P5,000 hanggang P6,000.

    Masyado na ngang nakaiinsulto ang ginagawa ng management ng Resorts Worst ‘este’ World sa mga empleyado nilang Pinoy. Sila na nga ang tagarito sila pa ang nagugulangan at nabu-bully.

    Gaya n’yan, hindi sila makapagreklamo, kasi kapag nagreklamo sila tatanggalin sila sa trabaho.

    Hanggang ngayon nga ay walang employees union ang casino na ‘yan!

    In short, walang kaprote-proteksiyon mula sa gobyerno ang mga kababayan nating nagtatrabaho d’yan sa Resorts World.

    Kumbaga kapag pumasok ka sa Resorts World, “Buntot mo, hila mo.”

    Hindi na tayo magtataka kung isang araw ‘e bigla na lang layasan ng mga staff nila ang Resorts World dahil sa ginagawang panggugulang ng management.

    Balita nga natin ‘e naghihintay na lang ang mga staff ng Resorts World na magbukas ang City of Dreams ni Stanly Ho para makalipat na sila.

    Travellers President Mr. Kingson Sian, huwag naman masyadong magulang ang kompanya n’yo?!

    Ibigay n’yo ang tamang benepisyo para sa mga empleyado ninyo!

    [divider]

    SANDAMAKMAK NA KOLEK-TONG NAGLUTANGAN SA MAYNILA

    Gusto kong tanungin si MPD district director Gen. Isagani Genabe kung kaya pa ba n’yang kontrolin ang kanyang mga pulis lalo na ang mga kotong cops?!

    Madalas ipangalandakan ni Yorme Erap, na WALA na RAW kotong sa lungsod ng Maynila pero isang malaking kabaligtaran ang nangyayari ngayon.

    Noong administrasyon ni Mayor Lim, e meron rin naman kolek-TONG pero iilan lang at tago pa.

    Ngayon, garapalan na at parang piyesta na ng kolek-TONG sa Maynila. kaliwa’t kanan ang mga kumukuha ng tara y tangga sa mga nag-iiyakang club, vendors, at 1602 operator.

    Sonabagan!!!

    Kung nag-iiyakan ang mga naghahatag ng tong/tara ay HAPPY-HAPPY naman ang ilang kolek-tong ng MPD.

    Yorme Erap at Gen. Genabe, hayaan n’yong ipakilala ko sa inyo ang mga sikat na kolek-TONG ngayon sa Maynila:

    Bidang-bida raw sa Manila City Hall sina AKI-NO, RI-GOR-ILLA at  LAGRI-MASA.

    Sila raw ang mga nagpapaikot ng kolektor sa Divisoria at Quiapo vendors. Isang Tarantado ‘este’ Tata SALSALAZAR ang kumukubra ng tara sa Plaza Miranda at Carriedo saka ide-deliver kay AKINO!?

    Ang mga TARA y TANGGA naman mula sa mga Gambling Lords ay kay alyas POT3 VICEs at Ri-gor-illa ang hatag saka ide-deliver sa amo nila sa MASA-ma.

    By the way, MASA Chief Major Iyakin ‘este’ Irinco, deklarado ba lahat sa inyo ang koleksyon ng isang alias KUPITAN?

    Ito raw kasing si alias Kupitan, ay walang bukam-bibig kundi ang office of the vices ‘este’ Vice Mayor?!

    [divider]

    UNIPORMADONG PARKING TICKET KAILAN IPATUTUPAD NG BIR?

    KAILAN ba ipatutupad ng Bureau of Internal Revenue (BIR) ang uniformed parking ticket?

    ‘Yan po ang hinaing ng mga motorista na taga-Maynila at ‘yung mga nagagawi sa Maynila.

    D’yan sa Juan Luna St., sa Binondo, isang private parking na ino-operate ng TGC-MAPMA sa ilalim ng Tokagawa Global Corp., na may head office umano sa 485 Urbiztondo St., Binondo, Maynila.

    Sa dami ng mga sasakyan na nagpa-park sa kanila at sa minimum na singil sa light vehicle na P20 sa unang tatlong oras at P15/kada oras; medium vehicle P30 sa unang tatlong oras plus P20 kada oras; at sa heavy vehicles P60 sa unang tatlong oras plusa P40 kada oras, aba ‘e malaking pera ang pumapasok sa kanila araw-araw.

    Ang isa pang kapuna-puna, ang nakapirma sa ibaba ng tiket  ay first name lang ng nagpapakilalang parking officer.

    Sa Maynila po kasi,lalo sa Binondo area ay napakaraming PRIVATE PARKING AREA.

    Kaya gusto natin tanungin ang BIR kung nabubusisi at nagbabayad ba ng tamang buwis ‘yang mga private parking area na ‘yan?

    Kailan ba talaga ipatutupad ng BIR ang uniformed  parking ticket?!

    PAGING BIR!

     

    [divider]

    [highlight]Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com[/highlight]

    [divider]

  • Letter to The Editor

    Republic of the Philippines
    City of Manila
    OFFICE OF THE CITY ADMINISTRATION

    25 November 2013

    GLORIA GALUNO
    Managing Editor
    Hataw Tabloid
    Room 106 NPC Building
    Magallanes Drive,
    Intramuros, Manila

    Attn: Ruther D. Batuigas

    Dear Mr. Batuigas,

    I write this letter in order to clarify some matters in your column last 22 November 2013 where you said that I am the son of Atty. Theo-dore ‘Teddy’ Te, the present spokesperson of the Supreme Court.

    Please note that you are terribly mistaken because I am not the son and am in no way related to the current Supreme Court spokesperson Atty. Theodore ‘Teddy’ Te. You even insinuated in your column that this relationship may be affecting the pending disqualification case against President Mayor Joseph Ejercito Estrada.

    Had you exercised more prudence in your research, you would have easily found out the truth behind the matter and could have avoided any kind of confusion simply by asking the parties involved.

    I hope this letter will help you rectify whatever falsities your column may have created and I urge you to exercise more caution I your future articles. Thank you very much.

            Very Truly Yours,
            (Sgd.) Atty. Wryan Martin C. Te

    [divider]
    Republic of the Philippines
    City of Manila
    OFFICE OF THE CITY ADMINISTRATION

    25 November 2013
    Ms. GLORIA GALUNO
    Managing Editor
    Hataw Tabloid
    Room 103 NPC Building
    Magallanes Drive,
    Intramuros, Manila

    Attn: Mr. Ruther Batuigas

    Dear Ms. Galuno,

    I write you to correct a column written by your Mr. Batuigas dated last November 22, 2013 where he stated that Atty. Wryan Te, my Deputy Administrator for the City of Manila, is the son of Atty. Theodore Te, who is the spokesperson of the Supreme Court. He further insinuated that because of such relationship, the Supreme Court has delayed the consideration of the disqualification case against His Honor, President Mayor Joseph Ejercito Estrada. In addition, Atty. Theodore Te has ceased to have comments against President Mayor Joseph Ejercito Estrada because of the said circumstance.

    The above relationship between the two lawyers is totally incorrect and inaccurate; and is therefore misleading. If only your Mr. Batuigas cared to investigate, he would have found out that Atty. Wryan Te is the son of Wilson Te from the City of San Juan and is not in any way related to Atty. Theodore Te.

    I feel that this matter should be brought to your attention in order to avoid any kind of confusion and prevent any unnecessary innuendos.

    Thank you very much and may this letter correct whatever misimpression the article has created.

    Very truly yours,
    (Sgd.) Atty. SIMEON E. GARCIA, Jr.
    City Administrator

  • Assets ng ex-congressmen at staffs ng senador sa pork scam naka-freeze

    MIYERKOLES ng gabi nang ma-monitor ko sa flash report sa isang radio station ang pag-freeze sa bank accounts ng ilang da-ting kongresista at mga staff ng senador na sangkot sa pork barrel fund scam.

    Ang freeze order ay galing Court of Appeals (CA).

    Sa 43-pahinang kautusan na ginawa ni Associate Justice Manuel Barrios, ipina-freeze nito ang bank accounts nina Atty. Gigi Reyes, dating chief of staff ni Sen. Juan Ponce-Enrile; Richard Cambe, dating staff ni Sen. Bong Revilla; Pauline Labayen, staff ni Sen. Jinggoy Estrada; at dating Social Secretary na si Ruby Tuason.

    Hindi na rin magagalaw nina ex-Agusan Del Sur Rep. Rodolfo Plaza, ex-Benguet Rep. Sa-muel Dangwa, ex-Cagayan de Oro Rep Constantino Jaraula, ex-APEC Party-list Rep Edgar Valdez at ex-chief of staff niyang si Erwin Dangwa, at chief of staff of ni ex-Rep. Lanete na si Jose Sumalpong ang kanilang bank accounts sa loob ng 90 days o tatlong buwan.

    Ang ipinagtataka ko rito, hindi kasali sa freeze order ang amo ng mga chief of staff ng senador na sina Enrile, Estrada at Revilla na pawang kinasuhan na ng plunder ng Office of the Ombudsman.

    Ang chief of staff ay sumusunod lang sa kumpas ng kamay ng kanilang amo.

    Anyway, may mapi-freeze pa naman kaya sa bank accounts ng mga nabanggit na dating kongresista at chief of staffs ng mga senador na ito? E ang gugulang n’yan! Nasa ibang bansa na nga nagtatago ang ilan sa kanila e…

    Planong paglagay

    ng tent sa Divisoria

    – Mr. Venancio, kindly check kung totoo po ba may plano ang city government ng Maynila maglagay mga (orange) tent sa Divisoria at may bayad P150 + P250, yung P150 para sa city hall at ang P250 naman para kina Jimmy Soriano at Raffy Alejandro bawat araw? Grabe ang pahirap sa mga -vendor. Bakit meron pang 3rd party nakikialam sa proyekto ni Mayor Erap? Hindi ito nakakatulong sa mga vendor kundi sinasakal kami at panay pananakot sa amin dito sa Soler. Papahuli kami kung hindi magbibigay. Salamat. – 09434711…

    Kung ang binabayaran ninyo ay may opisyal na resibo, ‘yan ay papasok sa kaban ng lungsod. Pero kung walang resibo, sa bulsa nila papasok ‘yan!

    Reklamo vs MPD-PS3

    – Sir, sumbong ko po itong mga pulis ng presinto 3 (MPD). Pinasok nila ang bahay at pinagbintangan nila akong -pusher. Pati yung asawa ko binaboy nila. Wala silang awa. Pinera-han nga nila kami, ginahasa pa nila ang asawa ko. Anthony ang pangalan nung isang pulis na inabutan ko ng pera. Wag nyo publish ang number ko. Tinakot nya pa kami na papatayin ‘pag nagsumbong. Sana makarating ito sa kanilang hepe. Salamat po. – 0922628….

    Kung totoo itong report mo, lumapit ka sa inyong barangay. Sila ang makatutulong sa ‘yo. Sila lang ang puwede magpatunay kung tulak ka o hindi. At kung totoo naman na ginahasa ang misis mo, kasuhan mo ng rape ang pulis na gumawa nito.

    Daming holdaper sa Road 10,

    sakop ng MPD-PS1

    – Report ko po ang grabeng holdapan dito sa Road 10, sakop ng Brgy. 123 Zone 9. Ang mastermind ay grupo nina alyas “Arnel”. Pati solvent boys nagkalat dito sa highways, nanghahablot ng mga gamit ng mga dumadaan laluna yung alyas “Boknoy?. Nananawagan kami sa mga pulis na hulihin naman ang mga kriminal na ito. Salamat po. – 09204749…

    Paging MPD-PS1 Commander, aksyon pls…

    Panawagan kay Mayor

    Gatchalian ng Valenzuela City

    – Sir Joey, sana po mapaabot nyo ke Mayor Gatchalian ang pedestrian lane dito sa harap ng SSS Valenzuela City. Para kang nakikipaglaro ke ‘Kamatayan’ dahil hindi humihinto ang mga motorista kahit me mga tatawid. Sana po magtalaga sila ng traffic enforcers… ‘wag na nilang antayin  me mamatay muna bago kumilos. Salamat po. – 09174711…

    Quiapo underpass

    puno ng vendors,

    wala nang madaanan…

    – Sir Joey, paki-parating kay Mayor Erap Estrada na yung underpass sa may Quiapo, papuntang simbahan, kada-ming vendors. Halos ‘di na makadaan ang mga tao sa sobrang dami ng nagtitinda. Tapos pag nasagi po mga paninda nila, nagagalit sila. Kaya paki-parating nalang po. Maraming salamat. – 09075763…

    Panawagan

    sa taga-MPD Traffic

    – Mr. Venancio, nais ko po sanang idulog sa inyo yung harap ng Melchora Elem. School na matatagpuan po dito sa Solis st., sakop po ng Stn 7 (MPD). Tuwing magsundo po ako ay halos hindi na po madaanan yung kalsada dahil po sa mga nakarapadang sirang tricycle sa harap mismo ng gate ng eskuwealhan. Sana po ay mapaaksiyunan nyo ito. Salamat. – 0921470…

    Obstruction itong reklamo n’yo. Kung hindi ‘yan maalis ng inyong barangay, maaari nang hakutin ‘yan ng MPD Traffic. Paging Ma’m Olive Sumagaysay…

    REAKSYON at REKLAMO… Sumulat sa POLICE Files!: JGV Publishing House, Inc.,  Leyland Bldg., Delgado St., cor 20th St., Port Area Manila Phil. Telefax 521-7015

    Cell: 0919-3297810 / E-mail add: [email protected]

    Joey Venancio

  • PNoy, planong ibagsak

    PINATITINDI ng mga sangkot sa P10-B pork barrel scam ang pag-atake sa administras-yong Aquino sa pama-magitan ng pagbatikos sa iba’t ibang institus-yon ng gobyerno na nagsisiyasat sa kanilang katiwalian, na kung tagurian sa ikinakasang ‘destabilization plot’ ay yugto ng ‘target hardening.’

    Kahit wala sa tono ay binabatikos ni Sen. Jinggoy Estrada ang Commission on Audit (COA) dahil  sa report na naging batayan sa pagsasampa ng kasong plunder sa kanya sa Ombudsman, kasama sina Sens. Juan Ponce-Enrile at Bong Revilla at Janet Lim-Napoles.

    Pero hindi basta nanahimik si COA Chairman Grace Pulido-Tan sa mga walang basehang akusasyon sa kanya ni Estrada.

    Ibinulgar ni Pulido-Tan na pag-upo pa lang sa Manila City Hall ng ama ng senador na si ousted president at convicted plunderer Joseph Estrada noong nakalipas na Hulyo ay humirit na agad sa kanya ang senador na ilagay ang ‘alaga’ niyang resident auditor sa Maynila.

    Ano’ng personalidad mayroon si Jinggoy para brasuhin si Chairman Grace Pulido-Tan na palitan ang resident COA auditor sa Maynila, gayong hindi naman siya opisyal o alkalde ng lungsod? May nais ba silang pagtakpan?

    Si Mayor Alfredo Lim ay may iniwang P1.5 bilyon sa kaban ng Maynila, bukod pa sa P88-M na savings mula sa PAGCOR shares ng lungsod, na duda ng marami ay gustong ‘maglaho’ ng mga Estrada kaya laging iginigiit na bangka-rote ang Maynila kahit wala naman silang ipina-kikitang dokumentadong basehan.

    ANG SABWATAN AT PAAWA

    EFFECT NI MANNY PACQUIAO

    KUNG si Estrada ang tumitira sa COA, si Enrile naman ay gusto rin ‘hubaran ng kredibi-lidad’ ang Ombudsman nang obligahin niyang ila-bas ang memorandum na nagsasaad na siya ang utak ng P10-B pork barrel scam na lumabas sa isang pahayagan.

    Pero hindi kinagat ni Ombudsman Conchita Carpio-Morales ang ‘patibong’ ni Enrile kaya ang pinagdiskitahan ni “Tanda” ay si Sen. Miriam Defensor-Santiago na mahigpit niyang kritiko.

    Kinukumbinsi kasi ni Santiago sina Napoles at Gigi Reyes, dati niyang chief of staff ni JPE, na tumestigo laban sa dating Senate president sa P10-B pork barrel  plunder case.

    Kasabay nang pagbatikos sa COA at Ombudsman ay ang Bureau of Internal Revenue (BIR) naman na bumubusisi kung tugma ang ibinayad na buwis sa yaman ng mga sangkot sa multi-billion pork barrel scam.

    Dahil bistado na ng madla ang baho ng mga taga-oposisyon kaya si Pacquiao ang inaakala nilang rallying point at poster boy para magtagumpay sila laban kay PNoy.

    Dapat natin tandaan na si Jinggoy ay anak ni Erap, isa sa mga kinasuhan sa P10-B pork barrel scam.

    May kinakaharap naman na disqualification case si Erap na hanggang ngayon ay nakatengga pa sa Supreme Court kaya ginagawa lahat ng paraan para hindi makulong si Jinggoy at hindi siya mapalayas sa Manila City Hall.

    Pumaltos ang naunang pakana ni Erap na pagalitin ang Hong Kong laban kay Pangulong Aquino kaugnay sa Luneta hostage crisis kaya si Pacquiao naman ang sinusulsulan para labanan ang pamahalaan.

    Maraming hindi tugma o inconsistencies sa mga pahayag ni Paquiao tungkol sa kinakaharap niyang usapin sa BIR na nagsimula pa sa panahon ng dati niyang kapanalig na si Gloria Macapagal Arroyo (2008-2009) kaya maliwanag na siya ang namumulitika at hindi ang administrasyong Aquino.

    Bakit tumagal at hindi niya agad ito inasikaso? Dahil ba inaakala niyang porke kampeon siya sa boksing ay feeling untouchable na siya at iniisip niyang may utang na loob sa kanya ang buong Pilipinas kaya dapat siyang ibeybi?

    Ang Top Rank agency at si Bob Arum pala na kanyang promoter ang nagkaltas ng buwis sa kinita niya at hindi siya ang personal na nagbayad sa Internal Revenue Service (IRS) ng Amerika.

    Ano ang problema at nais itago ni Paquiao kung bakit hanggang ngayon ay hindi niya mai-litaw ang orihinal na kopya ng sinasabi niyang pinagbayarang buwis sa America para sa taon 2008 at 2009?

    Sa 35 bank accounts nila ni Jinky, 2 lang ang na-garnished na naglalaman ng P1.1 milyon. Ibig sabihin ba, sa ibang bansa itinatago, este, naka-deposito ang mga kinitang pera ni Paquiao?

    Halata ang pagsisinungaling ni Paquiao nang itanong sa kanya ni Comm. Kim Henares kung talagang nangutang lang siya para may maipa-migay sa mga biktima ng bagyo. Dito niya biglang binago ang kanyang naunang pahayag.

    Naiintindihan ba ni Pacquiao na bilang public official at isang mamamayan ay may obligasyon siya na ideklara ang totoong kinita, at magbayad ng tamang buwis sa gobyerno na parang ayaw yata niyang gawin?

    Ang masama, naghahakot pa ng simpatiya para tularan siya na suwayin din ng publiko ang BIR at batikusin ang administrasyong Aquino.

    Kating-kati na sila na mapatalsik si Pangulong Aquino at baka sakaling mailuklok nila sa Palasyo si Vice President Jejomar Binay upang maipagpatuloy ang kanilang paghahari-harian at paggahasa sa kaban ng bayan, at iabsuwelto ang lahat ng mandarambong na kapanalig nila, pati si GMA.

    Para sa reklamo, suhestiyon at  komentaryo tumawag o mag text  sa 09158227400 / Email: [email protected]

    Percy Lapid

  • Hindi na dapat maniwala sa survey

    Marami ang nagre-react kapag lumalabas na ang survey na gawa ng Social Weather Station (SWS) at Pulse Asia.

    Hindi kasi sila naniniwala na malakas pa rin sa tao ang mga lider ng kasalukuyang gobyerno maging kabahagi man ng ehekutibo, lehislatibo at hudikatura.

    Lagi na lang daw kasing napapansin nila na angat sa survey si PNoy at VP Binay gayong wala naman daw ginawa para masugpo ang korupsyon sa pamahalaan lalo’t lumilitaw sa huling kontrobersya na bahagi sila ng bulto-bultong pork barrel fund, DAP o PDAP man.

    Si PNoy tinawag pa ngang “hari ng pork barrel” habang si Binay naman ay binansagang “epal king” dahil na rin umano sa pakikisawsaw sa lahat ng pwedeng pasukang isyu, kabilang na ‘yung relief operation ng bansa gayong malinaw daw na pera pa rin ng mamamayan ang gamit nito.

    Sa pinakahuling survey ng SWS nitong Setyembre, lumabas na bumaba lang nang konti ang grado nina PNoy at Binay sa mamamayan ga-yong nakita naman ang galit ng tao sa pork barrel fund.

    Ito kasing panahon ng Setyembre umigkas ang galit ng publiko sa PDAP kaya’t labis tayong nagtataka kung bakit ganito lamang ang resulta ng pagbaba.

    Hindi kaya may hokus pokus na ang mga survey na ginagawa dahil hindi na ito ang tunay na sentimyento ng publiko.

    Kung sa survey hinggil sa pagkagutom ng tao, malinaw na lumabas nitong November survey ng SWS na 50 percent ng populasyon ng bansa ang nagsasabing sila ay hirap na hirap sa buhay kaya’t dito pa lamang malinaw na mali ang naging repleksyon ng survey sa tunay na dinaranas ng tao.

    ‘Pag gutom ang mamamayan, tiyak na galit sa pamahalaan dahil kulang ang ayuda at tulong ng gobyerno para maibsan at maiangat ang kanilang pamumuhay.

    Ito ang sina-sabi nating kalokohan sa mga survey at lalo pa na-tin itong makokompirma kapag lumabas ngayong late part ng Nobyembre at ngayon papara-ting na Disyembre na mataas pa rin ang approval rating ni PNoy sa tao.

    Mga bagay na dapat na nating ikonsidera lalo pa’t palpak naman talaga ang na-ging pagtugon ng gobyerno sa sunod-sunod na kalamidad sa bansa at pinakamasakit nga nito ay nanisi pa ang gobyernong imbes agad tumugon sa pangangailangan.

    Isa pa ang DAP decision ng Supreme Court na kaabang-abang dahil dito natin makikita kung ano  ang huling diskarte ng Malakanyang dahil malinaw na kapag nagnegatibo ang hatol sa mga mahistrado ay tiyak na mag-iiba ang takbo ng gobyerno.

    Alvin Feliciano

  • Bulabog sa Customs, preparasyon sa 2016?

    MARAMING CEBUANO ang nadesmaya sa ginagawang paghahabol ng BIR kay Pambansang Kamao at Saranggani Congressman Manny Pacquiao.

    Anila, DI MAKATARUNGAN ang ginagawa ng administrasyong Aquino na kahit sinong personalidad na nasa oposisyon ay kanilang BINABATAN kahit na ba sabihin nilang dalawang taon na ang “tax case” na ito ni Pacman.

    Para sa masang Cebuano, dapat pa ngang bigyan ng TAX BREAK, kundi man parangal, si Pacquiao kung ikonsidera ang MALAKING KARANGALAN na kanyang binibigay sa bansa sa larangan ng basagan ng mukha, este, boksing.

    Marami ring Cebuano ang nagsasabi na kung hindi lang UNDER-AGE si Pacquio kung tatakbo ito sa pagka-presidente sa 2016 ay tiyak sana ang PANALO ng Cebuano-speaking na “mandirigma ng Diyos” dahil sa pagreporma nito sa kanyang buhay at bagong sigla sa pananampalataya.

    SAMANTALA, kabilang ang BOC Port of Cebu sa mga puwerto na matagumpay na na-SURPASS ang kanilang annual collection target.

    Ayon kay Entry Processing Unit (EPU) chief Chito Manahan, PATULOY ANG DAGSA ng mga entries at kanyang kinompirma ang naunang ulat na NALAMPASAN na nila ang P8,694.508-Billion annual assigned target collection dahil as of October ay naipasok na nila sa kaban ng gobyerno ang halagang P8,703.821-Billion.

    BULABOG na naman ang ilang kawani sa Bureau of Customs dahil sa lumabas na Nov 18, 2013 Memo ng Department of Finance na inatasan si Customs Commissioner Rozzano Rufino Biazon, copy furnished naman si Deputy Commissioner Myrna S. Chua ng Internal Administration Group, na ISTRIKTONG IPATUPAD ang Customs Personnel Order No B-134-2013 na “back to mother unit” sa lahat nang kawani at opisyal ng Customs.

    Napag-alaman ng DOF na merong mga kawani ng Customs na hindi bumalik sa kanilang “mother unit” dalawang buwan na ang nakalipas matapos ilabas ang nasabing CPO.

    Ayon sa ilang legal experts, HINDI KASAMA sa latest DOF Memo ang mga nakapag-report na sa kanilang “mother unit” ngunit nabigyan ng CPO na ma-retain sila sa kanilang puwesto.

    UMAASA ang mga kawani at mga “players” ng Aduana sa Sugbo na magiging MAHUSAY ANG PAMUMUNO ni retired Gen. Roberto Almadin sa Port of Cebu tulad ng mga nagdaang district collectors na laging pangunahin ang “trade facilitation” at ang pag-meet sa mga collection target.

    Junex Doronio

  • Chinese Wealth Ship

    ANG Chinese wealth ship ba ay good feng shui cure for money? Mainam ba ito sa modern school of feng shui o sa Chinese feng shui?

    Ang paggamit ng feng shui cures ay hindi limitado sa specific feng shui school. Ang tanging criteria sa pagpili ng good feng shui cure ay ayon sa koneksyon mo rito.

    Kapag may nakita kang magandang feng shui cure for money na ginagamit ng traditional Chinese feng shui practitioners, piliin mo ito, ano man ang feng shui school na iyong ginagamit sa bahay o opisina.

    Ang wealth ship ay popular traditional feng shui money cure dahil, taliwas sa ibang Chinese feng shui money cures, katulad ng three legged toad o Chinese coins, ang wealth ship ay maganda sa ano mang espasyo at mainam kahit anong kasamang mga palamuti.

    Maaaring gumamit ng ano mang modelo ng wooden boat para sa inyong wealth ship feng shui money cure, depende sa idinudulot na energy of abundance. Dahil ang feng shui cure ay symbolic representation ng yaman, walang istriktong panuntunan kundi ang iyong malakas na koneksyon dito at kung ano ang nararamdaman mo rito.

    Ang simbolikong kahulugan ng wealth ship ay ang energy of abundance na darating sa iyo. Tradisyonal na kinakargahan ang wealth ship ng maraming popular feng shui wealth symbols, katulad ng golden ingots, Chinese coins, crystals, red envelopes na may laman na pera at iba pang cures.

    Lady Choi

  • Kris at Vic, magsasama naman sa isang sitcom! (After ng My Little Bossings movie…)

    SA grand presscon ng My Little Bossings na entry ngayong 2013 Metro Manila Film Festival produced ng OctoArts Films, M-Zet Films, APT Entertainment, at Kris Aquino Productions ay nadulas ang Queen of All Media na posibleng magsama sila ni Vic Sotto sa isang sitcom pagkatapos nitong pelikula nila.

    Kaya naman pagkatapos ng Q and A ay tinanong si Kris kung ano ‘yung sitcom nila ni bossing Vic.

    “He’ll kill me, magagalit sa akin si Vic. Ano kasi, ang unang nagsabi si Tita Cory Vidanes, way back, I don’t know if you remember, 2002 ata ‘yun, nag-guest si Vic sa ‘Game K N B?’ and it was one of the highest episode noong time na ‘yun, tapos nag-meet na sila ni Tita Cory para gumawa sana siya ng sitcom sa ABS at ano na talaga and it has fallen into place, tapos, nagkaroon ng re-negotiation with GMA 7, eh, tinapatan, so hindi natuloy ‘yung sa ABS kahit naka-dalawa o tatlong meeting na.

    “So noong naki-meeting ako with Tita Cory para sa TV rights nito (‘My Little Bossings’), siya ang nagpaalala, sinabi niya na, ‘please remind Vic na 11 or 12 years ago, hinintay ko na, baka naman ngayon, puwede na.  Eh, sabi ni Vic, ‘puwede ba Kris, tapusin muna natin ‘to (pelikula nila), mamaya na lang ‘yan’ tapos sabi ko, ‘they’re (ABS-CBN) gonna pay you a lot’ tapos sabi niya (make face), ganoon. Ibang-iba relax kaya lumugar ako, sabi ko, ‘sige kung kailan ka na lang ready.’

    “Kung ayaw niya, okay lang, kasi he’s (Vic) free, eh. Wala naman siyang network contract or with anybody, so with Ryza is free, wala ring network contract, at ipinaalam ko rin kay Tita Cory na, sabi ko kung wala naman ako roon (GMA) si Bimb, ibigay ko na lang sa kanila kasi itong grupong ito ang sumubaybay sa paglaki niya.

    Vic, pinuri si Bimby

    “At marunong si Vic kasi ng mapanood niya (‘My Little Bossings’), sabi n’ya, ‘congratulate Bimb for me’, kasi ‘yung pinagpe-pray daw niya na mangyari ay nalagpasan daw noong napanood niya. Kaya umiyak ako noong binabasa ko ang text na pinupuri ang anak ko. Tapos nireplayan ko (Vic) na, ‘I entrust what ever future career he’ll have with you, kung gusto mong ituloy ito at komportable siya, let’s do it,” kuwento ng TV host/actress.

    Kaya sinundan ng tanong kung nag-renew na ng kontrata si Kris sa Kapamilya Network?

    “Ayokong pag-usapan, bawal pa gusto ko munang i-promote muna nila ang ‘My Little Bossings’, ha, ha, ha” tumatawang sabi ng TV host.

    “Marami kasing Facets kasi marami rin akong ano, siguro nagbago lang talaga ako as a person. There’s a part of me also na hindi na kasing greedy at kasing hungry, okay na talaga.

    “At saka ano, si Boy (Abunda) kasi nagsabi na, ‘make sure you have enough cash that you can walk away from anybody’, so medyo tinown-down ko ang luho sa katawan at tone-down kami, ‘yung bahay na lilipatan namin, (mura) kasi rati ‘yung association dues lang, P60,000 na ngayon, parang buong taon na ‘yun, ganoon kalaki ‘yung difference ng condominium in Makati na dalawa na supposed to be a house in a subdivision.

    “Kaya kapag wala na ako sa TV mabubuhay naman sila (mga anak) not lavish as we are now, but they will survive,” pagtatapat ni Kris.

    Number 2 ang My Little Bossings

    Samantala, aminado ang Queen of All Media na posibleng maging number two lang ang My Little Bossings dahil nga makakalaban nila si Vice Ganda sa pelikulang Boy, Girl, Bakla, Tomboy na sinungkit na raw ng GGV host na siya ang number one sa box-office ng 2013 MMFF.

    ”Posible, kasi track record niya, eh. Ako lang talaga ang pinagpe-pray ko, na may figure akong sinabi kay God, sabi ko, please give this to us. Whether number one or number two if we hit that figure, okay na, kuma-cartwheel na ako, nag-i-split na ako sa sobrang tuwa,” masayang tinig ni Tetay.

    Kung ibabase sa kinita ng Sisterakas noong 2013 sa Metro Manila Film Festival ay nagtala ito ng pinakamataas, kumita ito ng P396-M kaya’t mahirap daw itong talunin, “posibleng malampasan pagdating ng panahon na mahal na ang bayad sa sine,” sabi naman ng TV host.

    Target na kita, P300-M

    At ang target daw sana ni Vic para sa My Little Bossings ay P300-M dahil ang kinita raw ng Enteng ng Ina Mo nila ni Ai Ai de las Alas ay umabot sa P289-M.

    Inamin naman ni Kris na napanood na niya ang 2/3 ng pelikulang My Little Bossings bago siya dumiretso sa grand presscon noog Miyerkoles ng gabi sa 55 Events Place.

    Bilib sa galing ni RyZza

    Ang galing daw umarte ni Ryzza Mae.

    “I kept telling her (Ryzza Mae) na, Ryzza ba’t ang galing-galing mo? Kasi a true star is lalong lumalaki on screen kapag pinapanood mong nagpe-perform, pero ‘yung talagang larger than life ang dating, ganoon siya (Ryza) at tuwang-tuwa ako kasi ganoon siya ka-humble.

    “So talagang I was so captivated by the two (Ryza at Bimby), siyempre proud na proud ang nanay so ang feeling ko, they have magic, may screen magic ‘yung dalawa kaya kilig na kilig ako na sabi ko nga, ang cute,” kuwento pa.

    Reggee Bonoan

  • Pacman, malabo pang magretiro!

    TUWING matatapos ang laban ni Manny Pacquiao, ang laging tinatanong ng mga tao ay kung kailan nga ba siya magre-retire. Ganoon din ang tanungan matapos niyang talunin si Rios noong isang araw. Ganoon din ang sinasabi ng iba na siguro raw kung nagretiro na siya noon hindi na niya inabot iyong talunin ni Bradley at patulugin ni Juan Manuel Marquez.

    Pero nakabawi na si Pacman, kahit na sinasabing talaga namang kayang-kanya niya si Rios, at sinasabi ngayon na baka sa susunod na taon ay may dalawang laban pang naghihintay sa kanya.

    Palagay din namin, mukhang malabo pa ngang mag-retire iyang si Pacquiao. Kasi kung titigil ba naman siya sa boxing, ano ba namang trabaho ang pagkakakitaan niya ng ganoon kalaki? Hindi naman siya kikita ng ganoon kalaki bilang isang congressman, lalo na at wala na ngang PDAF. Hindi rin naman siya kikita ng ganoon kalaki bilang isang artista, dahil ang fans naman niya ay gustong mapanood na nakikipagsuntukan siya kaysa umaarte sa pelikula.

    Hindi rin naman ganoon katindi ang naging dating ng kanyang TV show, kahit na nga talagang namimigay na sila ng pera. Hindi naman siguro kay Manny ang problema roon kundi sa klase ng project na ibinigay sa kanya sa telebisyon.

    Pero ang maganda lang na ginagawa ni Pacman, mula sa kanyang personal na kita bilang isang boxer, tutulong siya sa mga biktima ng bagyong Haiyan sa Visayas. Iyong iba nga riyan daldal lang nang daldal bumunot ba kahit na isang singkong panot mula sa kanilang bulsa? Mabuti pa si Pacman, makalipas lamang ang dalawang araw pagkarating mula sa Macau, nasa Tacloban na agad. Eh iyong iba riyan nanood pa muna kung ano ang nangyayari, naglaro pa muna yata ng video, bago pinuntahan ang mga biktima, at pagkatapos ano naman ang naitulong? Nganga.

    Ed de Leon

  • KC, aminadong maraming oras ang sinayang sa pakikipagrelasyon

    ANG best supporting actress for television ng Star Awards na si KC Concepcion ay nagsabing hindi siya nagmamadali ngayon na magkaroon ng bagong boyfriend. Natawa kami sa sinabi niya, marami na raw siyang sinayang na oras dahil sa pakikipagrelasyon sa hindi naman tamang lalaki.

    Oo nga, marami naman talaga siyang sinayang na oras eh. Kasi hindi rin naman siya nakinig sa mga sinasabi sa kanya noong una pa. Natanso rin naman kasi siya talaga eh. Pero mabuti naman at ngayon ay talagang nag-iingat na siya. Masakit nga naman ang matanso.

    Tutal bata pa naman si KC, hindi niya talaga kailangang magmadali. Hindi kailangang emosyon lang ang pairalin eh, kailangan isip din.

    Ed de Leon

  • Batchmates, itatapat sa Mocha Girls

    NAGBABALIK sa sirkulasyon ang controversial talent manager na si Lito De Guzman. Binuo niya ang class na all female group na Batchmates na pantapat sa Mocha Girls.

    Pagdating  sa  pagbibigay ng kasiyahan lalo na sa mga kalalakihan, bentang-benta rin dyan ang Batchmates na maka-ilang beses na ring kinilala sa ibang bansa particularly sa Singapore na nagpabalik-balik na ang grupo dahil madalas silang inire-request. Kasalukuyang nasa ‘Pinas ang Batchmates at sa  November 29 ay kekendeng at magpapasabog sila ng kanilang alindog at kaseksihan sa Comikera Comedy Bar, 8440 National Hi-way, Lecheria, Calamba, Laguna na pinamagatang Sexy and Naughty na pag-aari ni Ma’am Nancy.

    Bukod sa Batchmates ay makakasama rin ang sexy comedienne na si Ethel Booba at ang kuwelang grupong Wonder Gays.

    Sina Aura, Cath, Jonah, Sophia, Marie, Maye at Vassy ang bumubuo ng Batchmates na wala kang itatapon pagdating sa ganda, kaseksihan, at kapilyuhan.

    Ang Wonder Gays naman ay kinabibilangan naman nina Gray, White, Green, Blue, at Pink.

    Ang Batchmates at Wonder Gays ay mina-manage ng talent manager na si Lito de Guzman na ratsada sa pag-produce ng mga show locally and abroad.

    Roldan Castro

  • Kasalang Marian at Dong, next year na!

    ISYU pa rin ang pagtawag ni Marian Rivera ng ‘kabiyak’ kay Dingdong Dantes sa 1st Gintong Palad Public Service Awards.

    Nangangamoy kasalan tuloy ang mangyayari next year.

    ”Echos lang! Pinakilig ko lang.  Kasi ang kulit ni Kuya Robin noong araw na ‘yun. Parang sigaw kasi nang sigaw. So, niloloko ko si Kuya Robin. Pero sa totoo lang, ang aking minamahal o ang aking nobyo, pinakilig ko lang sila. Kasi tumitili sila noong sinabi ‘yung pangalan ni Dong. So, pinakilig ko lang ang mga tao roon!”  paliwanag ni Marian.
    Roldan Castro