Paul Versoza from Naia T-1 to Dagupan

NITONG nakaraang linggo ay para raw bombang sumambulat ang sandamakmak na Personnel Orders na ipinalabas ni Bureau of Immigration (BI) Comm. Ronaldo Geron.

Nagkaroon muli nang malawakang reshuffle sa hanay ng Immigration Of-fixers ‘este’ officers sa buong bansa.

Nayanig at hindi raw inaasahan nang lahat na muling magkakaroon ng balasahan since malapit na nga naman ang pagtatapos ng termino ng kasalukuyang administrasyon.

Sari-saring opinyon at kuro-kuro kung sino ang may pakana ng nasabing reshuffle at kung bakit wala ni isa man ang nakatunog sa galawang ito!

Kabilang sa mga tinamaan ng lintik ‘este’ ikutan ang tatlong (3) hepe ng BI-NAIA terminals 1, 2 and 3. Kasama siyempre ang pinakasikat dito na si Paul Vasura ‘este’ Versoza hepe ng NAIA T1 na kailan lang ay panay ang ngalngal sa BI-OCOM dahil sa takot na siya raw ay mapalitan?!

Ay sus!

At kahit naman pala magngangawa araw-araw si parekoy Paul sa OCOM ay talaga naman palang on the way out na ang kanyang karakas!    

Bwahahaha!!!

Buti pa nanahimik ka na lang kasi at hindi ka nagpabisto na kapit-tuko ka sa puwesto?!

Natunugan siguro nila na meron kang kinatatakutang mawala sa iyo riyan sa NAIA T-1 kaya ganoon na lang kalakas ang atungal mo noong akalain mong sisipain ka na agad, shonga!?

Well anyway, maganda pa rin naman pala ang naibigay sa iyong bagong puwesto.

Dahil kung dati para kang si “David” sa Biblia sa dami ng ipinapastol na pasahero ‘ehek mali’ tupa pala, ngayon naman ay ala-”fisherman” ang dating mo dahil for sure mga sariwang bangus ang lalambatin mo sa iyong bagong posisyon.

Huwag mong kalimutang padalhan ako ng masarap na bagoong-isda, P’re!

Parekoy, baka type mong i-share sa iba ang iyong special technique para hindi mawalan ng puwesto?

‘Yan ba ang “ATUNGAL” to the highest level!?

Yuckkkss!!!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com