Jed, nalungkot sa pagbabagong-bihis ng ASAP

KUNG noon ay tumatakbo ng tatlong oras sa ere tuwing Lingo ang ASAP, ngayon ay dalawang oras na lang ito mapapanood sa ABS-CBN 2.

At ang ilan sa mga regular host nito tulad nina Gary Valenciano, Martin Nieverra, at Zsa-Zsa Padilla ay magiging semi-regular na lang sa musical variety show.

Binawasan na rin ang kanilang exposure. Maging ang regular performers din dito gaya ni Jed Madela ay hindi na rin every Sunday mapapanood. Ginawa na rin siyang semi-regular. Kaya naman aminado si Jed na nalulungkot siya sa pagbabagong ginawa ng ASAP. Pero nirerespeto at naiintindihan naman daw niya ang naging desisyong ito ng kanilang show para nga naman ma-accommodate pa rin silang lahat.

MA at PA – Rommel Placente