HIV awareness, palalawakin pa ni Tolentino

MAY pasabog ang 1st Mr. Gay World Philippines 2009/businessman na si Wilbert Tolentino dahil siya ang bagong National Director ng prestihiyosong pageant na ito. Ipadadala niya sa Malta ang representative ng Pilipinas na si Christian Laxamana na gaganapin sa April 19 -23, 2016.

Naging first runner up ng Pogay sa It’s Showtime si Christian.

Si Wilbert na ang organizer ng Mr. Gay World Philippines dahil,  ”Ibinigay sa akin ‘yung contract as a national director ng Mr. Gay World kasi hindi na po nag-renew ‘yung previous na organizer. January lang na-award sa akin kaya wala na akong enough time para mag-National pageant. So, in-appoint ko ‘yung 14th Annual Search ko ng Mr. F na nagpi-present ng gay community … kinuha ko si Christian Laxamana dahil siya ang latest na nanalo.

“I think capable naman siya  kasi as an educator, marami siyang maitutulong dito sa gay community lalo na sa LGBT community.”

Objective ni Mr Tolentino na, ”Makapag-contribute ako in my own little way sa gay community na at least nag-i-exist tayo. At saka may participation tayo kasi ang Mr. Gay World ay naghahanap ng speaker sa HIV awareness lalo na sa panahon ngayon. Dumarami ‘yung mga HIV victims.”

Bukod dito marami raw siyang na-adopt na gay culture dahil sa pagiging aktibo saMr. Gay World. Marami siyang nakilalang mga bagong kaibigan. Bilang first Ambassador ng Mr. Gay World, itinuloy na rin niya ang pagtulong lalo na sa mga AIDS victims na more than 100 cases na. Gusto niya ay may sumunod din sa yapak niya at ipagpatuloy ang mga nasimulan niya since 2009  gaya ng mga charity project niya.

Sinabi pa ni Tolentino na pagkatapos niyang ipadala sa Malta si Christian ay plano niyang magkaroon ng National Pageant ng Mr. Gay World Philippines sa July para panlaban niya next year. Kailangan daw ito para magkaroon ng one year na training ang magiging kinatawan ng Pilipinas.