HATAW! D'yaryo ng Bayan hatawtabloid.com
MAY kasabihang kapag hitik sa bunga ang puno ay binabato, kaya namin ito nasabi ay dahil may ilang detractors ang sumisikat na direktor na pinupulaan ang gawa niya.
Ang sumisikat na direktor ay napansin na dahil sa mga project niya na puring-puri ng lahat kaya’t kaliwa’t kanan ang ibinibigay na project sa kanya bagay na ikinatataka ng detractors niya kung paano ito napapagsabay-sabay gawin ng sumisikat na direktor.
Nabanggit pa ng detractors, ”hindi ba ito napapansin ng buong team ni direk (sumisikat na direktor) na hindi naman niya solong ginagawa ang serye o movie niya, may katulong siya sa tabi na nagtuturo kung anong magandang shots, anong magandang anggulo at kung anong dapat gawin ng subject niya.
“Kita mo, hindi naman siya ang nag-e-edit ng gawa niya, may gumagawa niyon pati ‘yung pag-iilaw, itinuturo sa kanya ng lagi niyang kasama kung saan dapat, magkaiba kasi sila ng vision.”
Habang kinukuwentuhan kami ay bigla naming naalala ang sumisikat na direktor na minsan ay inamin niyang lagi niyang kasama ang partner niya para tulungan siya since kasi nga minsan ay may hindi siya nakikita na nakikita ng kasama niya.
Sabi pa ng detractors with S kasi dalawa silang nagko-comment tungkol sa sumisikat na direktor, ”mas magaling ‘yung kasama niya, hindi siya.”
Oh well, weather-weather lang ‘yan panahon ngayon ng sumisikat na direktor kaya deadma kung siraan siya.
Ang detractors niya ay walang projects ngayon at waiting-waiting pa rin, pero in fairness, naging matunog ang mga pangalan nila dahil super sikat ngayon ang talent na sila mismo ang unang gumawa ng project nito.
( Reggee Bonoan )
