HATAW! D'yaryo ng Bayan hatawtabloid.com
NATAWA lang daw ang Kapamilya actress na si Kim Chiu sa intrigang buntis siya. May lumabas kasing tsika namay nakakapansin daw sa paglaki ng tiyan ni Kim. Kabuntot na tsika pa nito ay namataan dawn a nag-dinner ang aktres sa kasama pa raw ang lalaking pinaghihinalaang ama ng kanyang dinadala.
Nakita rin daw si Kim na nakipag-toast na ang laman ng baso ay tubig lang imbes na wine, dahil bawal nga sa isang nagdadalang-tao ang alak.
Ayon sa balita ng PEP.ph (Philippine Entertainment Portal), tinawanan lang ni Kim ang tsikang ito.
“Nakailang beses na akong naganyan, pero ilang taon na siya sa tiyan ko, hindi pa rin siya lumalabas. Lagi talaga akong nagaganyan, kaya kapag may fitting ako ng damit, di muna ako kumakain.
“Doon napupunta ang taba ko, wala sa arms, wala sa hita ko—nasa face saka nasa tiyan.”
Samantala, happy naman daw si Kim sa magandang feedback at reviews na tinatanggap ng The Story of Us. Ang naturang serye niya sa ABS CBN ay tinatampukan ni Kim with Xian Lim.
ALAM MO NA! – Nonie V. Nicasio
