HATAW! D'yaryo ng Bayan hatawtabloid.com
MARAMI ang tumututol pero totoong malapit nang ma-over exposed ang AlDub (Alden Richards at Maine Mendoza). Lahat halos kasi ng malalaking produkto ay napunta na sa dalawa. Nalaglag na ang mga dating artistang endorser.
Nang pumasok naman si Derrick Monasterio medyo nag-iba ang usapin, kaliwa’t kanan ang batikos sa binata at sinasabi pang nagmamaktol na raw at nag-iinarte na kung minsan sa taping si Yaya Dub.
Totoong nakababagot na ‘yung araw-araw na magpakilig sina Alden at Maine pero ‘yan naman ang target nilang dalawa, ang sumikat at magkamal ng maraming pera.
Totoong mayaman si Maine pero iba pa rin ‘yung sariling pera na kikitain n’ya. May gasoline station man sila, sa parents n’ya ‘yon at hindi sa kanya. Huwag lang sanang magbago ng ugali ni Yaya Dub.
Willie, likas na matulungin
TRUE to life stories ang mga kuwento ng mga senior citizen na napapanood saWowowin. No wonder nadaragdagan ang araw ng pagpapalabas.
Wala sa script ang pag-iyak ng mga contestant bago kumanta. Maging si Willie Revillame ay nag-e-emote sa lungkot ng kuwento ng mga senior citizen. Talo pa nga ni Willie ang mga politikong naglalaro lang sa 300 o 500 ang binibigay sa tao.
Si Willie, bukod sa cash, mayroon pang cellphone at jacket, kesehodang nagbabaga sa init ng araw ang nararamdaman ng binibigyan niya. Nagbibigay si Willie ng walang hinihinging kapalit.
Dapat tularan ng mga politiko si Willie sa pagtulong sa mga mahihirap.
SHOWBIG – Vir Gonzales
