HATAW! D'yaryo ng Bayan hatawtabloid.com
NAG-ENJOY si Matteo Gudicelli sa indie film niyang Tupang Ligaw ng BG Productions International. Sinabi ng Kapamilya actor na kakaiba naman ang mapapanood sa kanya ngayon ng fans.
“Kakaiba rin, na action naman itong makikita sa akin dito sa Tupang Ligaw.
It’s fun, I really train for this. We had a long training for this, mga six months.
“Nagpapasalamat ako sa BG Productions for giving me the opportunity to do an action film. Kaya sana ay ma-appreciate ng lahat itong movie namin,” saad ni Matteo.
Ang naturang pelikula ay madugo at may mga eksenang brutal na bagay na bagay sa mga barako.
Ano sa tingin mo ang magiging reaction ng fans mo dahil kakaiba ito sa mga ginagawa mo?
“Kinakabahan ako, sana ay magustuhan nila. But it was fun doing the film, it was fun training for the film. You know, I just had a good time in the film.
“Mahilig talaga ako sa action, mahilig talaga ako sa martial arts. Kaya natutuwa ako sa opportunity na makagawa ng ganitong klase ng film.”
Umaasa rin siya na magtutuloy-tuloy ang mga oportunidad na tulad nito, na makagawa ng iba pang action movie.
“Sana po, sana ay igagawa pa ako ng BG Productions. Pero right now, busy ako sa Dolce Amore, sa bagong teleserye namin sa ABS CBN.
“Aside sa Dolce Amore, tapos iyong album ko and magsisimula na rin kami sa Single/Single sa Cinema One.”
Yayayain mo ba si Sarah Geronimo na manood nitong Tupang Ligaw?
“Opo, sana, sana kapag may time kaming dalawa. Kasi, galing lang ako sa taping, pero sa ngayon, tayo muna po ang manonood nito.”
Bukod kay Matteo, ang Tupang Ligaw ay tinatampukan din nina Paolo Contis, Ara Mina, Rico Barrera, Suzette Ranillo, Johnny Regana, at iba pa. Ito’y mula sa pamamahala ni Direk Rod Santiago.
ALAM MO NA! – Nonie V. Nicasio
