HATAW! D'yaryo ng Bayan hatawtabloid.com
HINDI pinakawalan ng GMA 7 si Kylie Padilla dahil inoperan kaagad siya ng fantaseryeng Encantadia bago magtapos ang kontrata niya sa Setyembre ngayong taon.
May narinig kasi kaming lilipat si Kylie sa ABS-CBN bagay na gusto rin ng ama niyang si Robin Padilla pero hindi naman siya pinakawalan ng Kapuso Network.
Hindi naman maitatagong vocal si Binoe na gusto niyang makasama ang anak sa isang project lalo na kung aksiyon ang pag-uusapan dahil hinasa rin niya ang aktres sa martial arts.
At interesado naman daw ang ABS-CBN kay Kylie dahil magaling nga siya sa aksiyon at walang artistang babae ang Kapamilya Network na tulad ng ginagawa ng aktres.
Kaya tinawagan namin ang manager ni Kylie kahapon na si Betchay Vidanes kung wala silang planong umalis sa GMA, “okay naman po kami sa GMA 7, gagawin nga namin ang ‘Encantadia’.”
Masaya nga raw si Kylie dahil napakaganda ng Encantadia at gagampanan niya si Princess Amihan na papel noon ni Iza Calzado.
FACT SHEET – Reggee Bonoan
