HATAW! D'yaryo ng Bayan hatawtabloid.com
“How do I control (love scene with Arci Munoz), kambyo control, segunda mano o tersera, may moments talaga na nalo-loose mo ‘yung control kaya nagiging iba ‘yung mga kissing scene na ‘yan,” pagtatapat ni Jake Cuenca noong nang tanungin siya kung paano niya nako-control ang sexual tension niya sa leading lady na si Arci Munoz sa Pasion de Amor.
Ang mga naggagandahan at seksing babae at nagguguwapuhang mga lalaki ang isa sa dahilan kung bakit maraming nag-aabang sa Pasion de Amor kaya mataas ang ratings game at inabot na sila ng siyam na buwan.
Dagdag pa ni Jake, ”kahit hindi kami maghubad, pero nakikita n’yo na sexy ang eksena kasi feeling ko na lose mo ‘yung control at one point kaya makatotohanan na ‘yung eksena.
“Sa mga eksena namin ni Arci kailangang mag-work talaga kaya kapag kaeksena ko siya, nabibighani ako sa kagandahan niya, may halong kaba ‘yun, may halong oportunidad na mahahalikan ko ang ka-eksena ko.”
Minsan nga raw ay natatanong ni Jake ang sarili kung eksena o totohanan na ‘yung ginagawa niya sa programa.
Komento naman ni Arci na hindi kaagad nakasagot, ”siguro kaya maganda ‘yung mga lumalabas na eksena namin kasi nalalagyan ng katotohanan, pero wala namang malisya, pero (okay) lang kasi guwapo naman si Cuenkers (tawag niya kay Jake), maganda ang katawan, ‘pag nahawakan mo ang abs niya (sabay hawak).”
Hindi ba na-attract si Arci kay Jake?
“Guwapo naman si Cuenkers at sobrang bait, ano kasi kami, eh brothers kami. Pero malay mo ‘di ba, isang buwan pa ‘yung ‘Pasion’, malay mo may sunod na project pa kami ni Jake.”
Anyway, hanggang Pebrero 26 na lang ang Pasion de Amor at very proud na ipinagmamalaki nina direk Ruel S. Bayani na ni minsan ay hindi sila ipinatawag ng MTRCB dahil alam nilang kontrolin ang mga eksenang hindi puwedeng ipalabas sa 6:30 p.m..
ni REGGEE BONOAN
