17-anyos binatilyo kritikal sa boga

KRITIKAL ang kalagayan ng isang 17-anyos binatilyo makaraang pagbabarilin ng hindi nakikilalang suspek na sakay ng motorsiklo habang ang biktima ay nakikipagkuwentohan sa mga kaibigan sa Caloocan City kamakalawa ng gabi.

Ginagamot sa Dr. Jose Rodriguez Memorial Hospital ang biktimang si Ezekiel Lusania ng 1370 Reserve Area, Barracks II, Brgy. 186, Tala ng nasabing lungsod.

Patuloy ang imbestigasyon ng mga awtoridad upang matukoy ang pagkakakilanan ng suspek at ang motibo sa pamamaril.

Sa imbestigasyon ni SPO1 Emilio Boyoten, dakong 9:30 p.m., ang biktima ay nasa harap ng isang tindahan sa Susano Road, Brgy. 180 at nakikipagkuwentohan sa mga kaibigan nang bigla siyang pagbabarilin ng isang lalaking lulan ng motorsiklo.