Kiray, hottest leading lady para kay Derek

BUONG pagmamalaking ipinakita ni Derek Ramsay sa kanyangInstagram account na si Kiray Celis ang hottest leading lady niya.

Kaya naman talbog ang mga nakaparehang seksing aktres ni Derek gaya nina Anne Curtis, Cristine Reyes, at Andi Eigenmann.

Paano naman, maraming eksena sina Derek at Kiray sa Love Is Blind movie ng Regal Entertainment Inc., na mapapanood na sa Pebrero 10, na hindi mo aakalaing magagawa nila.

Nariyan ang pagkain ni Derek sa labi ni Kiray, pagpapasasa sa kamachuhan ni Derek at kung ano-ano pa.

Kaya hindi nakapagtatakang hindi nagpakabog si Solenn Heussaff kay Kiray na todo-landi rin ang ginawa kay Derek sa mga romansa nilang ginawa ng dating BF. Pumayag din siyang makipaghalikan sa labi sa actor para talbugan lalo si Kiray.

Kaya nga sinasabing sa Love Is Blind, mabubusog na ang mga mata kina Derek at Solenn sasakit pa tiyak ang inyong mga tiyan sa katatawa kay Kiray.

Kasama rin sa Love is Blind si Kean Cipriano at ito ay idinirehe ng award winning director na si Paul Jason Laxamana na naghatid ng mga pelikulang Babagwa (Cinemalaya), Astro Mayabang (Cinema One Originals), at Magkakabaung.

Kaya halina;t sama-samang humalakhak, umibig, at makisaya kina Derek, Solenn, Kean, at Kiray sa Love Is Blind.

SHOWBIZ KONEK – Maricris Valdez Nicasio