Si Liza Soberano ba o si Nadine Lustre ang bagong Darna?

PATULOY pa rin ang espekulasyon ng marami kung sino ba talaga ang gaganap na Darna. Sari-sari ang naglalabasang balita kung sino ang susunod na Darna.

Unang balita ay pinagpipilian daw sina Liza Soberano at Sofia Andres. Tapos, bukod sa dalawang Kapamilya aktres, lumutang din ang pangalan nina Maja Salvador at Nadine Lustre.

Sa ginawang survey ng Push.com noong nakaraang November, si Nadine ang naging numero unong choice para maging Darna. Sumunod dito si Liza at pumangatlo naman ang star ng Pangako Sa ‘Yo na si Kathryn Bernardo.

Pero, may nagbulong sa akin na sina Nadine at Liza na lang daw ang pinagpipilian ngayon para maging Darna. Parehong malakas ang hatak ng dalawang young stars sa fans, kaya mukhang totoo ang tsikang ito.

Sa isang ulat, ipinahayag ni Liza na game naman daw siya sakaling mapiling maging Darna. May mga tumatawag na nga raw na Darna sa magandang talent ni katotong Ogie Diaz.

“I see the things that are (happening) online but nobody has really approached me about it so I don’t really know,” wika ni Liza.

Dagdag pa niya, “Yes, I’d take it, I’d accept it and work hard on it. My body is not flattering yet.”

Base naman sa nasagap naming balita, sa latest interview kay Direk Erik Matti na siyang magiging direktor ng Darna, ipinahayag niyang wala pang napipiling Darna. Ito’y matapos sabihin ni Angel Locsin na hindi na niya kayang gampanan ang pagiging Darna dahil sa kanyang back problem.

Anyway, sa nagdaang Metro Manila Film Fest ay mas lalong na-curious ang madlang people nang ipakita ang trailer nito. Actually, kami ay namangha at na-excite dahil napaka-impressive ng teaser ng Darna. Although siyempre, tulad din ng marami ay curious kaming malaman kung sino ba talaga ang gaganap na Darna.

Si Liza ba o si Nadine ang susunod na sisigaw ng Darna!?

ALAM MO NA! – Nonie V. Nicasio