HATAW! D'yaryo ng Bayan hatawtabloid.com
HINDI pala inalok ng ABS-CBN para maging contract artist nila si Pastillas Girl o Angel Yap. Ito ang nalaman namin sa pocket presscon na isinagawa sa boardroom ng Viva office kamakailan.
Pero thankful si Angel sa It’s Showtime dahil ito ang naging daan para magkaroon siya ng puwang sa showbiz. Hindi naman itinanggi ni Angel na napakalaki ng exposure na naibigay sa kanya ng noontime show ng Kapamilya Network. Marami rin siyang natutuhan sa pakikisalamuha at pakikisama sa mga host ng show.
At ngayon, pinapirma si Angel ng five year contract ng Viva Artists Agency. At bago siya isalang ni Boss Vic del Rosario sa anumang show o pelikula, pinagwo-workshop muna siya.
“Gusto niya, bago nila ako isalang, prepared na po ako. Kasi sa It’s Showtime’, reality search siya for finding Mr. Pastillas. Walang acting na naganap.
“Ngayon kailangan kong maipakita kung anong mayroon ako as Angelica. Kasi po hindi po talaga ako marunong kumanta, pero sa sayaw okey po ako. And siyempre kailangan kong pagbutihin ‘yung acting ko. At para ma-sure kung talagang kaya ko na rin ang acting,” ani Angel na sinabing ayaw na muna rin niyang makipagrelasyon dahil mas gusto muna niyang mag-focus sa kanyang career.
Sinabi pa ni Angel na alam ng It’s Showtime family ang desisyon niyang pagpasok sa Viva at maligaya naman daw ang mga ito sa naging desisyon niya.
Naikuwento pa ni Angel na wala naman daw talaga rin siyang kontrata saIt’s Showtime dahil kumbaga eh segment lang iyong ginawa niya roon.
Hindi naman daw talagang gustong mag-artista ni Angel noon. Dahil sa Masscom sa FEU ang course niya, mas gusto raw niya sana na behind the scene o scriptwriting ang pasukin niya. ”Pero naging realistic na rin kasi ako na parang lahat gusto na ring mag-artista, gustong sumikat. Kaya lang ‘pag college ka na looking forward to your future ang iniisip mo,” giit pa ni Angel na kung tutuusin ay hindi na bago ang showbiz sa kanya dahil ang ina niyang si Theresa Hernandez ay dating dancer at kasabayan ninaWowie Roxas at Joy Cancio.
Kaya huwag magtaka kung one of these days ay mapanood na natin si Angel na umaarte sa serye ng TV5 o ABS-CBN.
SHOWBIZ KONEK – Maricris Valdez Nicasio
