HATAW! D'yaryo ng Bayan hatawtabloid.com
PURING-PURI ni Direk Chris Martinez ang working attitude ngayon ni Cristine Reyes. Magkasama ang dalawa sa ikatlong episode ng Lumayo Ka Nga Sa Akin ng Viva Films, ang Asawa ni Marie na mapapanood na sa Enero 13.
“Ang bait-bait na niya. Very professional na si Cristine at ang gaan-gaan na niyang katrabaho. Malaki na talaga ang ipinagbago niya,” anang director na una silang nagkatrabaho sa pelikulang The Gifted with Anne Curtis.
Sinabi pa ni Direk Martinez na, “Mas nicer ngayon si Cristine siguro dahil sa mother na rin siya at talagang mapupuri mo siya dahil pagdating niya sa set, talagang nakahanda na siya.”
Iba nga naman ang nagagawa ng nagkakaanak at may inspirasyon. Siguro’y mas humaba ang pasensiya ngayon ni Cristine at nabawasan na ang medyo pagkamataray nito.
Kaya hindi nakapagtataka kung after nitong Lumayo Ka Nga Sa Akin ay mayroon na kaagad kasunod na proyekto mula pa rin sa Viva.
“May gagawin kaming pelikula ni Cristine kaya busy kami sa pagpi-prepare nito na sisimulan na namin this January,” tsika naman ni Direk Mark Meily. “Hindi ko pa puwedeng sabihin kung ano iyon pero maganda at isang malaking pelikula.”
Ikinatutuwa naman ni Cristine ang mga blessing na dumarating sa kanya ngayon na bukod sa pelikula’y mayroon pa siyang TV show sa ABS-CBN na magsisimula na ring umere.
SHOWBIZ KONEK – Maricris Valdez Nicasio
