HATAW! D'yaryo ng Bayan hatawtabloid.com
IPINAHAYAG nina Toni Gonzaga at Direk Paul Soriano na next year pa nila balak magkaroon ng baby. June of last year lang ikinasal ang dalawa.
Sa panayam sa kanila ni Kris Aquino sa pamamagitan ng programa nitong Kris TV, sinabi ni Direk Paul na bandang June sa taong ito nila paplanuhing makabuo na ng baby. Kaya kung loloobin daw ng Maykapal, next year ay maaaring may tsikiting na sila ni Toni.
“If God wills it, the first part of 2017, we would have a little one,” pahayag ng award winning director.
Sinabi naman ni Toni kung bakit ayaw ng kanyang esposo na ngayong taon sila magka-anak.
“Ayaw niya ng2016. Ayaw niya ng year na 1 – 6. Gusto niya 7. He likes 7.”
Pero nilinaw naman ni Direk Paul na wala naman daw siyang against sa taong 2016, personal preference niya lang daw ang year na 2107 para magka-baby na sila ni Toni.
Sinabi pa ni Direk Paul na gusto ng mga magulang niya na maging kambal ang magiging anak nila ni Toni.
“The reason they want twins is at least, they have one each. They don’t fight over one.”
Sa naturang panayam pa rin, nakita ng viewers kung anong klaseng husband si Direk Paul dahil concern talaga siya sa kanyang misis, lalo na kapag madaling araw na raw ito umuuwi.
“I would get home late na, mga 10 and she’s not home yet. So me, now being a husband, I don’t want her on the road 2 am.”
Ipinahayag naman ni Toni na hindi nila hinahati ang kanilang gastusin, pero talagang pinaghahandaan nila ang kinabukasan ng kanilang magiging anak at pati na ang kanilang dream house.
Idinagdag pa ni Direk Paul na may joint bank accounts sila ng kanyang misis na isa sa bida sa ABS CBN sitcom na Home Sweetie Home with John Lloyd Cruz.
ALAM MO NA! – Nonie V. Nicasio
