HATAW! D'yaryo ng Bayan hatawtabloid.com
MUNTIK nang masungkit ng Harana Prince na si Michael Pangilinan ang grand champion ng Your Face Sounds Familiar Season 2. Close fight ang nangyari sa kanila ni Denise Laurel.
“Denise was very good—it was anybody’s game anyway. I didn’t expect to land second. Maging bahagi lang ng ‘Your Face Sounds Familiar Season 2’ was a great experience already kaya to be part pa of the grand finals was so much of a blessing. I thank you all for the support. God bless us all,” deklara ni Michael.
Pero tuloy ang ligaya sa singing career ni Michael dahil mayroon siyang post-birthday cum pre-Christmas concert ngayong Biyernes, December 18, 9:00 p.m. sa Music Museum entitled Michael Sounds Familiar.
Ang kanyang mga guest ay sina Randy Santiago, Gabrielle Concepcion,Hashtag Nikko Seagal Natividad, EJ Salamante and Sexbombs Aira and Louise with Ivan Lee Espinosa as his musical director. Prodyus ito ng kaibigang Jobert Sucaldito mula sa Front Desk Entertainment Production.
“Mas maraming bago sa show naming ito. May dance showdown kami ni Nikko Seagal Natividad. Tingnan ko lang kung kakayanin ko siyang sabayan kasi ang husay ni Nikko sumayaw. Malay mo, baka rito ko ma-discover na dancer din pala ako sa totoong buhay. Ha! Ha! Ha!,” bulalas pa niya.
“Kidding aside, I have prepared some new songs here. It will be a cool event, something our music lovers will remember after,” ani pa ni Michael.
TALBOG – Roldan Castro
