GMA Films, hinay-hinay muna sa paggawa ng movie (Dahil hindi kumikita)

MAY nakatsikahan kaming taga-GMA 7 at nabanggit na hindi na muna magpu-full blast sa pagpo-produce ang GMA Films dahil hindi naman lahat ng pelikula ay kumikita.

Sabi sa amin, “mahirap mag-produce ngayon ng pelikula, hindi lahat kumikita. Ang daming lugi ngayon,” ito ang katwiran sa amin ng GMA 7 executive na nakatsikahan namin kamakailan nang tanungin namin kung hindi na magpo-produce ng pelikula ang GMA Films.

“Kaya concentrate muna kami sa programming ng TV ngayon, acquisition and other externally produced.”

Puro raw sila co-prod muna ngayon, sabi mismo ng executive na kausap namin, “puro lang co-prod like itong ‘My Bebe Love #Kilig Pa More’, kasama namin ang OctoArts Films, MZet, APT (Entertaimment).”

Oo nga naman, mas madaling bumakas at wait na lang sa return of investment kapag kumita na ang pelikula at itong My Bebe Love #Kilig Pa More ay sure hit na, ‘di ba Ateng Maricris.

Napag-usapan din ang Encantadia na mapapanood na sa 2016, “nagpapa-audition pa, dapat matapatan ‘yung mga naunang gumanap, alam mo na, tiyak may comparison,” pahayag sa amin.

Sabagay, panalo parati sa ratings game noon ang GMA 7 nang ipalabas ang Encantadia ng 2005 at tumagal ng pitong buwan.

Ang tanong, kaya bang mapantayan o mahigitan kaya in terms of ratings at ng mga bagong gaganap sa remake ng Encantadia sina Karylle (Alena), Diana Zubiri (Danaya), Iza Calzado (Amihan), Sunshine Dizon (Pirena), at Yasmin Kurdi (Mira)? Kasama rin sina Jennylyn Mercado bilang Queen (Lira/Milagros) ng Lireo at si Dawn Zulueta, reyna ng mga Diwata bilang si Ynang Reyna Minea.

Mabilis na sabi sa amin, “kaya nga magpapa-audition, he, he, he.”

Sino-sino ba ang potential na puwedeng maging cast ng Encantadia, Ateng Maricris?

FACT SHEET – Reggee Bonoan