Andi, personal choice ni Direk Carlo para sa Angela Markado

SI Andi Eigenman ang 1st choice ni Direk Carlo Caparas para gampanan ang classic film na Angela Markado kaya naman mali ang balitang hindi ang aktres ang first choice ng director.

Ani Direk Carlo, taglay ni Andi ang mga katangian para maging isang Angela Markado na ang mga kuwalipikasyon na hinanap ng director ay ‘yung may pagka-inosente ang hitsura at magaling umarte. Lahat daw nito ay tinataglay ni Andi.

Dagdag pa ni Direk Carlo, napahanga siya ni Andi sa dedikasyon nito sa  trabaho dahil nga sobrang mahirap ng role nito na isang rape victim na halos mabugbog ang buong katawan.

Kabituin ni Andi sa Angela Markado sina Polo Ravales, Ana Roces, Marita Zobel, Bembol Roco, Bret Jackson, Mica Dela Cruz, Buboy Villar, Bugoy Carino, Epi Quizon, Paolo Contis, Felix Roco, at CJ Caparas with special participation ni Atty. Percida Rueda-Acosta under Oro De Siete Productions Inc . at Viva Films. Mapapanood na ito sa December 2.

MATABIL – John Fontanilla