HATAW! D'yaryo ng Bayan hatawtabloid.com
MAGANDA ang feedback sa young star na si Liza Soberano sa kanilang pelikulang Everyday I Love You. Marami ang pumuri sa acting at professionalism ni Liza sa pelikulang ito na showing na nga-yon at tinatampukan din nina Enrique Gil at Gerald Anderson.
Pati mga kasamahan sa panulat ay pinupuri ang masipag na alaga ni katotong Ogie Diaz dahil bukod sa maganda at mabait, magaling din umarte.
Pati ang co-star na si Gerald ay bilib kay Liza, “Si Liza kasi madalas kong ka-eksena, talagang binibigay niya lahat kahit pagod siya. So, at a very young age, 17 pa lang siya, nakakatuwa na sana hanggang sa pagtanda niya, hanggang sa gusto niya sa career niya, sana ganoon siya. Kasi, she can go a long way sa ganoong klaseng attitude,” saad ng aktor sa isang panayam.
Incidentally, humataw sa takilya sa first day ng showing ng Everyday I Love You na pinamahalaan ni Direk Mae Cruz-Alviar, nang kumita ito ng higit P16 million, ayon sa Star Cinema. Mas malaki ang opening day gross nito kompara sa unang tambalan nina Liza at Enrique na Just the Way You Are na kumita naman ng P12 million.
Anyway, talagang hindi na nga maawat sa paghataw ang career ni Liza dahil malakas ang balitang sa pag-atras ni Angel Locsin sa papel na Darna dahil sa spine problem nito, si Liza raw ang napipisil na gawing bagong Darna ng mga bossing ng ABS CBN.
Kapag natuloy ito, lalong magiging selyado na ang pagi-ging big star ni Liza sa showbiz industry.
ALAM MO NA! – Nonie V. Nicasio
