Alex Medina, ayaw ng monkey business

MAY tiwala sa kakayahan si Alex Medina bilang aktor, kaya naman nang may bading na nag-offer sa kanya indecent proposal ay tinanggihan niya ito.

“Sa Facebook, sabi niya, ‘Uy, how much is your rate?’ Sabi ko, ‘Ah depende po sir’ ganyan-ganyan… ‘Tapos tinanong ko kung para saan ba iyon? Sabi niya, ‘Ah basta, magkano ba rate mo?’ Biglang sabi niya, ‘Overnight rate sana.’ Sabi ko, ‘Ay sorry hindi po ako…

“Sabi ko na lang, ‘Sorry po sir, sorry, akala ako ay business po tayo, e.’ So okay lang yun, pinalusot ko na lang,” nakangiting wika niya.

Paano kung may isang excutive ng TV network ang manligaw sa kanya at mangako ng maraming projects, game ba siya? “Ay hindi, hindi na. Idadaan ko na lang sa… kumabaga kung magaling ka naman, kung sineseryoso mo naman yung trabaho mo, hindi mo na kailangang pumatol sa kumbaga… mga monkey business. Kumabaga trabaho na lang, trabaho lang talaga.”

Anong masasabi mo sa mga actor na nagbibida sa pelikula o teleserye dahil hawak ng influential na gay? “Ha?! Mayroon bang ganoon?!” Pa-over-acting na reaction pa ni Alex, sabay banat ng tawa.

Anong comment mo rito? “Sa akin lang, kung may ganoon man, kung totoo man yun, parang hindi ka na masu-surprise,” seryosong buwelta niya. “Kasi sa mundong ‘to, parang kailangan mong gawin lahat e, kung ganoon mo kagusto yung isang bagay, gagawin mo lahat, ‘di ba? So, ‘di ko sila masisisi kung gusto nilang makaangat agad. Okay lang, respeto naman e. Kumbaga trinabaho nila iyan e. Iyon na nga lang, depende yun sa pagpapalaki sa iyo, e.

“Kanya-kanyang paniniwala at prinsipyo e, pero ako personally, hindi ko siyempre gagawin yung ganoon. Pero kumbaga sa kanila, wala naman akong ano roon. Kung kaibigan ko sila, okay, walang problema.”

Isa si Alex sa cast ng matagumpay na historical movie na Heneral Luna na balitang kumita na ng more or less 200 milyong piso. Ito’y tinampukan nina John Arcilla, Mon Confiado, Mylene Duzon, Joem Bascon, at iba pa. Napapanood din ngayon si Alex sa Pangako Sa ‘Yo nina Kathryn Bernardo at Daniel Padilla.

ALAM MO NA! – Nonie V. Nicasio