HATAW! D'yaryo ng Bayan hatawtabloid.com
NGAYON ang pagkakataon ng mga aspiring child actor and actress para pumailanlang ang kanilang mga movie career. Pruweba nito ang nakatutuwa at napaka-cute na si Alonzo Muhlach, anak ng dating child wonder na si Niño Muhlach. Unang nakuha ng nakatutuwang si Alonzo ang mga puso ng mga mga tao sa nakaraang Metro Manila Film Festival n nakasama siya ni Vic ’Bossing’ Sotto sa top-grossing movie na My Little Bossing.
Isa sa mga baguhan pero napakahusay na batang artista ay ang napaka-charming at endearing na si Alaina Jezl Ocampo, AJ for short, na masasabing isang natural talent. Sa murang edad na seven years old, napatunayan niyang karapat-dapat siyang maging bituin sa pinilakang tabing o ang matalinghagang salita sa English na silver screen. Napakahusay niya sa acting, singing, at dancing especially sa pagba-ballet. Siya ay produkto ng Neophytes Talent Center na kumuha siya ng acting lessons at nag-attend ng mga acting workshop.
Si AJ ay kasalukuyang nasa Grade One sa Pater Noster Montessori School sa Tagaytay City. Ang kanyang proud parents ay sina Alona Barbuco at Jessie Ocampo. Nasa top ten si AJ sa kanyang klase. Si AJ ay maagang nagkahilig sa mga sports. Ipinagmamalaki siya ng kanyang mga magulang dahil siya ay mabait at magaling makisama sa mga kapwa bata. Magaling siya sa English, maging sa wikang Filipino.
Nang tanungin namin kung sino ang favorite niyang actress, mabilis na sagot ni AJ, “I like to be like Marian Rivera when I grow up because she is so beautiful and is an excellent actress.”
Kinagigiliwan si AJ ng mga nakasama sa kanyang first-ever starrer na movie na 1 Day 1 Araw (I Saw Nakakita), maging mga kapwa aktor at aktres na sina Niño Muhlach, Lara Quigaman, John Regala, at Allen Dizon, pati na mga crew specially kay Direk Dinky Doo. “Nakapabait at masunurin iyang si AJ at walang ibinigay na problema sa aming pagsu-shoot,” sabi ni Direk Dinky Doo.
“Marunong makibagay at makitungo si AJ sa mga kasama niyang mga artista,” wika naman ni Niño.
Sabi naman ng batikang aktor na si John, “Nakatutuwa talaga ‘yang si AJ. Kasi noong una parang natatakot siya sa akin dahil sa aking karakter bilang kontrabida sa pelikula, pero nang ipaliwanag ko na umaarte lang ako at mabait ako sa tunay na buhay, naging malapit na siya sa akin.”
Lahat ay all praise kay AJ maging sina Lara at Allen.
Ang pelikulang 1 Day 1 Araw (I Saw Nakakita) ay pinagbibidahan ni AJ at kasama niya rito ang mag-amang Alvaro at Niño, Lara, John, Allen, Ritz Azul, Jake Fernando, at Nikka Sarki, at idinirehe ni Dinky. Malapit na itong ipalabas ngayong September.
