Alex at Ejay, ‘di nakikitaan ng kilig o chemistry

SINA Alex Gonzaga at Ejay Falcon pala ang next feature ng Wansapanataym Presents: I Heart Kid Kuryente mula sa direskiyon ni Andoy Ranay na mapapanood na sa Agosto kapalit ng My Kung Fu Chinito nina Richard Yap at Enchong Dee na napapanood tuwing Linggo ng gabi.

Mukhang experiment ang tambalang ito na handog ng Dreamscape Entertainment dahil para sa amin ay hindi namin nakikitaan ng chemistry o kilig man lang sina Alex at Ejay.

Masyado kasing seryoso si Ejay at mahina ang personalidad baka maiwan o paglaruan siya ni Alex na kilala bilang luka-luka.

But since sinugalan sila ng business unit head na si sir Deo T. Endrinal eh, malamang na may nakita ang executive ng ABS-CBN na hindi namin nakikita.

FACT SHEET – Reggee Bonoan