Compton may tiwala sa Aces

SA ikalawang pagkakataon ngayong taong ito ay nasa finals ng PBA ang Alaska Milk.

Noong Linggo ay kinumpleto ng Aces ang kanilang pagwalis sa Purefoods Star Hotdog sa kanilang best-of-five na serye sa semifinals sa pamamagitan ng 82-77 na panalo sa Game 3 sa Smart Araneta Coliseum.

At para kay Alaska coach Alex Compton, magandang pagkakataon ito upang makabawi ang kanyang koponan mula sa kanilang masakit na pagkatalo sa finals ng Philippine Cup kontra San Miguel Beer noong Enero.

“I’m happy that we’re back in the finals, no matter what team that we are up against,” wika ni Compton. “My mindset is not to worry about the competition. Our focus is this: Are we doing the right thing? Are we unified? Are we competing? Are we doing well as a team?”

Sa kanilang pagdomina sa Hotshots sa semis ay kitang-kita na lamang na lamang si Compton sa beteranong si Tim Cone sa pag-ayuda ng kanyang koponan sa bench.

Nang gumamit ang Star ng mas malaking lineup ay sumagot si Compton ng paggamit ng kanyang sariling mga big men tulad nina Calvin Abueva, Vic Manuel at Rome dela Rosa upang tulungan ang import ng Aces na si Romeo Travis.

Sa Game 3 ay nagtala si Manuel ng 14 puntos samantalang 11 puntos ang naitala ni De la Rosa at siyam na rebounds naman ang nasungkit ni Abueva.

“We went big in the third quarter because they (Hotshots) gave us problems with their big lineup,” dagdag ni Compton. “If we played small, that would cause us problems. And if we could hold the other team to 30 points in a half, then we have a chance.”

Ngunit mas lutang ang krusyal na tres ni Travis sa huling dalawang minuto ng laro na nagbigay sa Aces ng kalamangan at naprotektahan nila ito hanggang sa huli.

“I was open. It was a good shot. I took it and I was happy that it went in,” ani Travis na gumawa ng 19 puntos at 10 rebounds sa Game 3 kontra Hotshots. “But I was also happy that I made a pass and Vic (Manuel) made a big shot.”(JAMES TY III)