HATAW! D'yaryo ng Bayan hatawtabloid.com
SHOWBIZ TIDBITS – James Ty III .
NAPANSIN naming tila wala nang masyadong interes ang mga tao sa bagong show ni Willie Revillame sa GMA tuwing Sunday, ang Wowowin.
Pagkatapos ng mataas nitong rating sa pilot episode noong Abril ay pababa ng pababa ang ratings ng show kahit wala namang problema si Willie sa management ng GMA.
Ang problema kasi sa Wowowin, 3:30 ng hapon ang time slot ng show na wala masyadong nanonood ng TV sa ganitong oras tuwing Linggo.
Mas mataas ang rating ng mga pelikula ng Star Cinema na itinapat ng ABS-CBN sa Wowowin, pati na ang mga laro ng PBA sa TV5.
Isa pa, bitin ang oras ng Wowowin na tumatagal lang ng isang oras kompara sa mga rati niyang shows sa Dos at Singko.
Hindi pa rin naman nawawala ang karisma ni Willie sa mga manonood pero mas malaki ang kanyang responsibilidad bilang producer, host, at blocktimer ng show ‘di tulad noon na co-producer siya kasama ng kanyang mga dating estasyon.
