HATAW! D'yaryo ng Bayan hatawtabloid.com
TALBOG – Roldan Castro .
KAPANSIN-PANSIN sa interbyu ni Gabby Concepcion sa programang Showbiz Galore radio program nina Rodel Fernando at Perlita Uy sa DWBL na tila matipid ang mga sagot niya ‘pag si Sharon Cuneta ang pinag-uusapan.
Hindi rin niya gaanong nababanggit hindi gaya ni Janice De Belen na kinantahan pa niya ng Iisa Pa Lamang. Hiningan kasi siya ng sampol ng kanta na may konek sa kanyang naging leading lady.
Marami ang nagtatanong na mga listener kung si Janice ba ang greatest love ni Gabby base sa lyrics ng Iisa Pa lamang?
Nabanggit din niya sa panayam na sobrang nami-miss niya si Janice dahil hindi na sila nagkakasama sa trabaho.
Nagtataka rin siya na sa rami ng offers na magsasama sila ni Sharon, hindi rin natutuloy.
Malay natin, sa napipintong panggawa ng teleserye ni Sharon, si Gabby ang maisipang leading man ng ABS-CBN 2.
Pak!
