John Lloyd at Angelica, nagkasawaan na raw

 

UNCUT – Alex Brosas . 

MEDYO hindi na kami na-shock nang mapabalitang hiwalay na raw sina Angelica Panganiban and John Lloyd Cruz.

Just recently ay nasulat ni Tito Ricky Lo na hiwalay na ang showbiz couple pero wala namang sinabing dahilan.

Mukhang nagkakalabuan na nga sila dahil lately, napapansin naming hindi na masyadong active itong si Angelica sa kanyang Twitter account. Dati-rati ay palaging nagpo-post ang aktres ng mga ganap sa kanila ni Lloydie pero now ay wala na itong panahong mag-post.

Ang huling ipinost niya sa IG niya ay ang basag na salamin sa kanilang bahay. Since walang police report ay may mga naniwalang kilala ni Angelica ang may kagagawan niyon at hindi na siya nagsampa pa ng reklamo para hindi na siya maintriga.

Sino naman ang maglalakas-loob na gumawa niyon sa bahay niya gayong nasa exclusive subdivision siya, ‘no!

Anyway, marami naman ang humuhulang hindi naman magtatagal talaga ang relasyon ng dalawa, na hindi mauuwi sa wedding ang kanilang romance.

Kung true nga na hiwalay na sila, ano kaya ang posibleng dahilan? Third party? O nagkasawaan na?