Panaginip mo, Interpret ko: Dagat, isda at hipon

Hello po Sir,

3 po yng pngnp ko, una ay dagat, then nang-huli daw kami ng isda tapos ay may mga hipon kaming nakita, yun na po, paki-interpret na lang sir, slamuch—I’m Rolly, ‘wag n’yo na lang ipopost cp # ko.

To Rolly,

Ang dagat na napanaginipan ay may kaugnayan sa iyong unconscious at sa transition sa pagitan ng unconscious at ng conscious na kamalayan. Ito rin ay may kaugnayan sa iyong emosyon. Posible rin naman na ito ay isang pahiwatig ukol sa mga bagay na dapat mong maintindihan at makita nang mas maayos at malinaw. Maaari rin naman na ito ay pahiwatig sa pangangailangang i-reassure ang iyong sarili o magbigay ng reassurance sa iba. Ito ay nagbibigay din ng hope, new perspective at positive outlook sa buhay gaano man kahirap ang mga kasalukuyang suliranin na kinakaharap. Ang panaginip mo rin ay may kaugnayan sa pagtahak mo sa hinahangad na mithiin at ang pag-usad mo sa pang-araw-araw na ginagawa.

Kapag nanaginip na nanghuhuli ng isda, ito’y posibleng may kaugnayan sa paglabas ng isa o ilang bagay na nasa ilalim dati o ng mga bagay na inililihim. Kung nanaginip naman na kumakain ng isda, ito’y simbolo ng iyong beliefs, spirituality, luck, energy at nourishment. Kapag nanaginip ka naman na niluluto mo ang isda, ibig sabihin ay isinasama mo ang bagong katuparan na inaasam para sa iyong ispiritwal na damdamin at kaalaman. Naghahangad ka ng katuparan ng mga mithiin o pangarap, subalit dapat na magsikap mabuti at dagdagdan ang tiwala sa sariling abilidad o kakayahan. Kailangan din na huwag maging padalos-dalos sa mga gagawing desisyon.

Hinggil naman sa panaginip mo tungkol sa hipon, ito ay nagsa-suggests na ikaw ay nakadarama na overpowered and insignificant. Sa kabilang banda, nagsasaad din ang panaginip mo ng pagbabago sa ikabubuti para sa iyo, kung ikaw ay magiging masinop at tatahakin ang landas na matuwid. Ito ay may kaugnayan din sa abundance, love at wealth. Ipagpatuloy ang pagsisikap at pagtitiyaga upang makamit ang mga bagay na labis na inaasam. Goodluck sa iyo and God bless.

Señor H.