Amalia, takot nang harapin ang buhay sa pagkawala ni Liezl

 

ni Pilar Mateo

TANGIS ng ina!

Sa ibinahaging video ng former Sampaguita Pictures actor na si Josemari Gonzales saFacebook sa buong istorya ng hinagpis ng nananangis na inang si Amalia Fuentesmakikita ang puno’t dulo ng sentimyento nito sa kapirot na mga bahagi lang ng naibalita sa telebisyon.

Ang kuha ay mula sa pagtawag ni Tita Nena sa mga press na nasa lugar na ibinurol ang kanyang unica hijang si Annalissa na mas nakilala bilang si Liezl.

From start to end ng pagsasalita ni Tita Nena, nai-record ang lahat ng gusto niyang sabihin. Hanggang sa pagsakay na nito sa kanyang van na muling naghatid sa kanya sa ospital.

Hindi na kailangang i-react pa ang nasabing insidente kundi unawain na lang ang sakit sa dibdib ng inang hindi ninais na mauna pa sa kanyang mawala ang anak.

Intindihin na lang ang pinag-uugatan ng kanyang galit at hinanakit na parang batang nagsumbong sa pag-echa fuera sa kanya at sa tatay ni Liezl na si Romeo ‘Bobby’ Vasquez sa necrological services para kay Liezl.

Gaya ng sabi niya, si Liezl ang buhay niya kaya hindi maiaalis ang pag-amin niyang takot na siyang harapin ngayon ang pag-iisa sa buhay.